ભારે વરસાદને કારણે ચેન્નાઈમાં સ્થિતિ નાજુક છે. દરમિયાન, આ વીડિયો સામે આવ્યા પછી, દરેક વ્યક્તિ મહિલા પોલીસના વખાણ કરી રહ્યા છે.
ચેન્નઈનો એક વીડિયો વાયરલ થયો છે
જેમાં મહિલા પોલીસકર્મી બેભાન યુવકની મદદ કરે છે
વીડિયો સામે આવ્યા બાદ લોકો મહિલા પોલીસના વખાણ કરી રહ્યા છે.
#WATCH | Chennai, Tamil Nadu: TP Chatram Police Station's Inspector Rajeshwari carries an unconscious man, on her shoulders, to an autorickshaw in a bid to rush him to a nearby hospital.
Chennai is facing waterlogging due to incessant rainfall here.
ત્યારે ચેન્નઈનો એક વીડિયો સામે આવ્યો છે જેમાં એક મહિલા પોલીસકર્મી ભારે વરસાદમાં બેભાન પડેલા એક વ્યક્તિને ખભા પર બેસાડી તેને ઓટો રિક્ષામાં લઈ જાય છે જેથી તેને શક્ય તેટલી વહેલી તકે હોસ્પિટલ લઈ જવામાં આવે. મીડિયા રિપોર્ટ અનુસાર ટીપી ચતરમ પોલીસ સ્ટેશનની લેડી ઈન્સ્પેક્ટરનું નામ રાજેશ્વરી જણાવવામાં આવી રહ્યું છે. વીડિયોમાં જોઈ શકાય છે કે કેવી રીતે ઈન્સ્પેક્ટર પોતાની ટીમની મદદથી પહેલા રસ્તા પર પડેલા ઝાડને હટાવે છે. પછી તેણીને એક બેભાન માણસ મળે છે જેને તેણી તેના ખભા પર લઈને દોડતી જોવા મળે છે.તેમની ટીમ તરત જ એક ઓટોની વ્યવસ્થા કરે છે.જેમાં વ્યક્તિને બેસાડીને નજીકની હોસ્પિટલમાં લઈ જવામાં આવે છે. આ વીડિયો સામે આવ્યા બાદ દરેક લોકો લેડી ઈન્સ્પેક્ટરના વખાણ કરી રહ્યા છે.
તમિલનાડુમાં ભારે વરસાદના કારણે સ્થિતિ ગંભીર બની
તમિલનાડુમાં ભારે વરસાદ થઈ રહ્યો છે. છેલ્લા કેટલાક દિવસોથી અવિરત વરસાદને કારણે સ્થિતિ ગંભીર બની ગઈ છે, અને અનેક સ્થળોએ પાણી ભરાવાની ઘટના બની છે. માર્ગો પર વૃક્ષો પડી ગયા છે. રાજ્ય સરકારના જણાવ્યા અનુસાર, વરસાદ સંબંધિત ઘટનાઓમાં 14 લોકોના મોત થયા છે. બીજી બાજુ ચેન્નાઈની સ્થિતિ પણ ખૂબ જ ગંભીર છે. આ દરમિયાન રાહત ટીમ સતત લોકોને બચાવવામાં લાગેલી છે.
હવમાન વિભાગે તિરુવલ્લુર,ચેન્નાઈ, સહિતના ગામોમાં એલર્ટ જાહેર કર્યુ છે.
ચેન્નાઈમાં ભારે વરસાદને કારણે અનેક જગ્યાએ પાણી ભરાઈ ગયા છે. મળતી માહિતી મુજબ, શહેરના 13 સબવે વરસાજી પાણી થી ભરાઈ જતાં તે પાણીને દૂર કરવામાં આવ્યું હતું. આ સાથે જ 160 પડી ગયેલા વૃક્ષોને પણ દૂર કરવામાં આવ્યા છે.અગાઉ, હવામાન વિભાગે માહિતી આપી હતી કે માછીમારોને 11 નવેમ્બર સુધી દક્ષિણ આંધ્ર, તમિલનાડુના દરિયાકાંઠા અને નજીકના શ્રીલંકાના કિનારા તરફ સાહસ ન કરવાની સલાહ આપવામાં આવી છે. IMD દ્વારા કહેવામાં આવ્યું કે 11મી માટે તિરુવલ્લુર, ચેન્નાઈ, કાંચીપુરમ, ચેંગલપટ્ટુ, વિલુપ્પુરમ, તિરુવન્નામલાઈમાં રેડ એલર્ટ જારી છે.