ઈલેક્ટ્રિક વાહનોનો વધ્યો ક્રેઝ / સુરતમાં 9 સ્થળોએ બનાવાશે ચાર્જિંગ પોઈન્ટ, હેવી ઈન્ડસ્ટ્રી ડિપાર્ટમેન્ટે મંજૂર કર્યા આટલા કરોડ

• અઠવા ઝોનમાં 9 સ્થળે બનાવાશે ચાર્જિંગ પોઈન્ટ 
• PPP ધોરણે બનાવવામાં આવશે ચાર્જિંગ પોઈન્ટ
• ભારત સરકારના હેવી ઈન્ડસ્ટ્રી ડિપાર્ટમેન્ટે મંજૂર કર્યા રૂપિયા 

દેશમાં ઓટો સેક્ટરનું માર્કેટ બદલાઈ રહ્યું છે. લોકોમાં ઈલેક્ટ્રિક વાહનોનો ક્રેઝ ઝડપથી વધી રહ્યો છે. ઓટો કંપનીઓ પણ ઈલેક્ટ્રિક કાર પર ફોકસ વધારી રહી છે. સ્વાભાવિક છે કે ઈલેક્ટ્રિક વાહનની સફળતા માટે દેશભરમાં ચાર્જિંગ ઈન્ફ્રાસ્ટ્રક્ચરનું નેટવર્ક બનાવવું પડશે.આવી સ્થિતિમાં સુરતમાં 9 સ્થળોએ ચાર્જિંગ પોઈન્ટ બનાવવામાં આવશે. 

મોટી કંપનીઓ લાવી રહી છે વિવિધ સેગમેન્ટમાંઈલેક્ટ્રિક વાહનો

કેન્દ્રીય માર્ગ પરિવહન અને રાજમાર્ગ મંત્રાલયના જણાવ્યા અનુસાર, દેશમાં 13 લાખથી વધુ ઈલેક્ટ્રિક વાહનો કાર્યરત છે. આ આંકડો આગામી બે વર્ષમાં 3 કરોડને વટાવી જશે તેવી આશંકા છે. ગ્રાહકોના ઈલેક્ટ્રિક વાહનો તરફ વધતા વલણને ધ્યાનમાં રાખીને ઓલા, ટાટા મોટર્સ, મહિન્દ્રા, હુન્ડાઈ સહિતની મોટી કંપનીઓ માર્કેટમાં વિવિધ સેગમેન્ટમાં ઈલેક્ટ્રિક વાહનો લાવી રહી છે. 

એક એક્શન પ્લાન જારી

ઈલેક્ટ્રિક વાહનોની વધતી સંખ્યાને ધ્યાનમાં રાખીને સુરત શહેરમાં 9 સ્થળોએ ઈલેક્ટ્રિક વાહનોને ચાર્જિંગ કરવા માટે ચાર્જિંગ પોઈન્ટ બનાવવામાં આવશે. ઈલેક્ટ્રિક વાહનોને ચાર્જ કરવા માટે એક એક્શન પ્લાન જારી કર્યો છે. આ અંતર્ગત શહેરના અઠવા ઝોનમાં 9 સ્થળે ચાર્જિંગ પોઈન્ટ બનાવવામાં આવશે. આ તમામ ચાર્જિંગ પોઈન્ટ PPP ધોરણે બનાવવામાં આવશે. 

9 સ્થળે ચાર્જિંગ પોઇન્ટ બનાવવાશે

પહેલા શહેરના અઠવા ઝોનમાં 9 સ્થળે ચાર્જિંગ પોઇન્ટ બનાવવામાં આવશે. આગામી દિવસોમાં શહેરમાં 500 ચાર્જિંગ પોઇન્ટ બનાવવાનું આયોજન છે. આ માટે ભારત સરકારના હેવી ઈન્ડસ્ટ્રી ડિપાર્ટમેન્ટે રૂપિયા મંજૂર કર્યા છે. હેવી ઈન્ડસ્ટ્રી ડિપાર્ટમેન્ટે ચાર્જિંગ પોઈન્ટ બનાવવા 34 કરોડ રૂપિયા મંજૂર કર્યા છે.