ચીનની કુટનીતિને પહોંચી વળવા ભારતે નવી રણનીતિ અપનાવી છે. ભારતે વિકાસ સહયોગ ભાગીદારી અંતર્ગત 63 દેશોને લોન આપી છે. ચીનના બોર્ડર રોડ ઇનિશિએટિવ સામે ભારતે લાઇન ઓફ ક્રેડિટની રણનીતિ અપનાવી છે.
ભારતે 63 દેશોને અંદાજિત એક લાખ બાણુ હજાર કરોડ રૂપિયાની લોન આપી છે. 63 દેશોમાં આર્થિક પરિયોજના અંતર્ગત ભારતે રોકાણ કર્યું છે. એશિયા ઉપરાંત આફ્રિકા, કેરેબિયન અને ઓશેનિયા દેશોને લોન આપી છે. ભારતે 63 દેશોને 279 લાઇન્સ ઓફ ક્રેડિટ ઇશ્યુ કરી છે. આ અંગે સંસદમાં વિદેશ રાજ્યમંત્રીએ માહિતી આપી છે.
ચીનની બોડર રોડ ઇનિશિએટિવ (BRI) જ્યાં પોતાના નક્કી કરેલા લક્ષ્ય અને પોતાની મહત્વકાંક્ષાથી સતત પછડાતું જોવા મળી રહ્યું છે ત્યારે ભારતીય રિયાયતી લાઇન્સ ઓફ ક્રેડિટ (LOC) પર આધારિત વિકાસાત્મક સહયોગ ભાગીદારી હેઠળ 63 દેશમાં આર્થિક પરિયોજનાઓ પર કામ કરી રહ્યું છે.
હાલના સમયમાં 63 દેશમાં 279 લાઇન્સ ઓફ ક્રેડિટ આપવામાં આવી છે. ભારતે અલગ-અલગ પરિયોજનાઓ માટે આ દેશોનો 28 અરબ ડોલરની લોન આપી છી. આ પરિયોજના એશિયા, આફ્રિકા, લાતિના અમેરિકા, કેરેબિયન અને ઓસિયાનિયા દેશોમાં ચાલી રહી છે.
આ જાણકારી કેન્દ્ર સરકારે ગત સપ્તાહમાં સંસદમાં પૂછાયેલા એક સવાલના જવાબમાં આપી છે. ખરેખર તો કેન્દ્ર સરકારને પૂછવામાં આવ્યું હતું BRIની અર્થવ્યવસ્થાને ટક્કર આપવા અને વિદેશ નીતિ પર ભારત શું કાર્યવાહી કરી રહ્યું છે?
વિદેશ રાજ્ય મંત્રી વી. મૂરલીધરને સંસદમાં કહ્યું કે આ 254 પરિયોજનાઓ અંદાજે 4.70 અરબ ડોલરની છે જે પૂરી થઇ ગઇ છે. જ્યારે 194 પરિયોજના જે 19 અરબ ડોલરની છે તેના પર કામ આગળ વધી રહ્યું છે.