રાહત / કોરોના સંકટમાં કેન્દ્રએ ફરી વાર ખોલ્યો ખજાનો, રાજ્યોને મળશે આટલી રકમ અને રાહત

• કેન્દ્ર સરકારે ખોલ્યો ખજાનો
• GST પ્રણાલીના આધારે રાજ્યોને મળશે વળતર
• 2 ભાગમાં આપવામાં આવશે 34 હજાર કરોડ રૂપિયાનું વળતર

મંગળવારે 14,103 કરોડ રૂપિયાની જાહેરાત સાથે કેન્દ્રએ ઓક્ટોબર અને નવેમ્બર માટે કુલ રૂ. 34,053 કરોડનો જીએસટી વળતર સેસ ચૂકવ્યો છે. 19,950 કરોડ રૂપિયાની પહેલો હપ્તા 17 ફેબ્રુઆરીએ બહાર પાડવામાં આવ્યો હતો. સૂત્રોના જણાવ્યા અનુસાર નાણાં મંત્રાલય ડિસેમ્બર અને જાન્યુઆરીના બાકી બાકી લેણા રાજ્યોને ચૂકવવા અંગે પણ વિચારણા કરી રહ્યું છે, જે ટૂંક સમયમાં અનેક તબક્કામાં ચૂકવવામાં આવી શકે છે.

5 વર્ષ સુધી મહેસૂલ ખોટની ભરપાઈ કરાશે

સરકારે રાજ્યો અને કેન્દ્રશાસિત પ્રદેશોને જીએસટી વળતર સેસ આપવા માટે રૂ. 1.35 લાખ કરોડ ચૂકવ્યા છે. જીએસટી અધિનિયમ હેઠળ રાજ્યો જીએસટી શાસનના પ્રથમ પાંચ વર્ષ સુધીના મહેસૂલની ખોટની ભરપાઇ કરશે. એકંદરે આવા સમયે રાજ્યોને રૂ. 34,૦53 કરોડ જાહેર કરવામાં આવ્યા છે.

જ્યારે રાજ્યોને કોરોના વાયરસથી ફેલાતો રોકવા માટે દેશભરમાં લૉકડાઉનને કારણે સંકટનો સામનો કરવો પડી રહ્યો છે. માર્ચ મહિનામાં જીએસટી સંગ્રહ એક વર્ષ પહેલાં આ મહિનાની તુલનામાં 8.4 ટકાથી ઘટીને 1.06 લાખ કરોડ રૂપિયાનો પહોંચ્યો છે. સંગ્રહમાં ખામીના કારણે ઘરેલૂ લેનદેનની સાથે આયાતમાં પણ ઘટાડો જોવા મળી રહ્યો છે.