ગાજર વિટામિન 'C' વિટામિન 'K' મેંગેનીઝથી ભરપૂર છે. આ ઉપરાંત તેમાં ફાઇબર પુષ્કળ છે. તે વિટામિન B6 પેન્ટોથેનિક એસિડ આયર્ન પોટેશિયમ કોપર પણ ધરાવે છે. તેમાં આવેલું બીટા કેરોટીન વિટામિન 'A' આંખો માટે ઉપયોગી છે. આ ઉપરાંત દાંતના રોગ ચામડીના રોગ મગજના રોગ આંતરડાંના રોગ આર્થ્રાઇટિસ ગાઉટ અને ફેફસાંના કેન્સરના દર્દી માટે મદદરૂપ થાય છે. જેથી ડાયટિશિયન લીઝા શાહ જણાવી રહ્યાં છે લસણ બીટ અને ગાજરના ફાયદા.
ગાજર:
ગાજરમાં 87% પાણી છે અને તેમાં મિનરલ સોલ્ટ અને વિટામિન 'B' 'D' 'E' 'C' આવેલાં છે. કાચા ગાજરમાં વિટામિન 'A' ભરપૂર પ્રમાણમાં છે. તેમાં સોડિયમ પણ પુષ્કળ છે. તેનાં પોષકતત્ત્વો તેની છાલની નીચે જ હોવાથી તેની વધુ પડતી છાલ ઉતારતાં વિટામિનો નાશ પામે છે. ઉપરાંત તેમાં જરૂરી તૈલી પદાર્થ કાર્બોહાઇડ્રેટ પણ આવેલાં છે. તેનો વધુ ફાયદો મેળવવા માટે તેને ખૂબ ચાવીને ખાવા જોઈએ.
ગાજર કાચાં ખાવાં જેટલાં ગુણકારી છે તેટલાં જ બાફીને ખાવામાં પણ ઉત્તમ છે. તેને બાફવાથી તેમાં એન્ટીઓક્સીડેન્ટ વધુ સારી રીતે મળે છે. આ ઉપરાંત રિસર્ચમાં જાણવા મળે છે કે ગાજરને રાંધવાથી તેમાંનું બીટા કેરોટીન વધે છે અને વિટામિન 'C' ઓછું થઈ જાય છે. ગાજરની છાલને કારણે તેને જો કાચાં ખાવામાં આવે તો તેમાંનું વિટામિન 'એ' 25% જેટલું ઓછું શરીરને મળે છે.
બીટ:
બીટ બીટ પણ વિટામિન 'A 'B1' 'B2' 'B6' 'C'થી ભરપૂર છે. ઉપરાંત તેમાં કેલ્શિયમ મેગેંનીઝ કોપર ફોસ્ફરસ મીઠું અને આયર્ન ભરપૂર છે. શરીરના દરેક ભાગ માટે બીટ ઉપયોગી છે. એનીમિયા બ્લડપ્રેશર કેન્સર કબજિયાત દરેક રોગ માટે બીટ ઉપયોગી છે. દેખાવમાં ગોળ બીટ ચપટાં બીટ કરતાં વધુ મીઠાં હોય છે. બીટને ગરમ કરીને ન વાપરવાં જોઈએ કારણ કે તેમાંનાં વિટામિન ગરમ કરવાથી નાશ પામે છે. બીટનો ઉપયોગ કરતા પહેલાં તેને છોલી નાખવા. કિડની સ્ટોનવાળા પેશન્ટોએ બીટનો વધુ ઉપયોગ કરવો નહીં. અઠવાડિયામાં એક બીટ ખાઇ શકાય.
લસણ:
લસણ રોજિંદા ખોરાકમાં લસણના ઉપયોગથી ખોરાકનો સ્વાદ વધે છે અને પાચનશક્તિ સુધરે છે. તેને કારણે રોગ પ્રતિકારકશક્તિ વધે છે. લસણ ટીબી અસ્થમાના રોગીને ફાયદો કરે છે. એલર્જી અસ્થમા અથવા બ્રોન્કાઇટિસના દર્દીને લસણનો ઉપયોગ કરવાથી ફાયદો થાય છે. શિયાળામાં આંતરડાંના રોગીને કે એલર્જીવાળાને લસણથી ફાયદો થાય છે. આ ઉપરાંત હૃદયરોગ બ્લડપ્રેશરના રોગીઓ માટે એક કળીવાળું લસણ અકસીર ગણાય છે. લીલું લસણ ખૂબ જ ગુણકારી છે.