બનાસકાંઠાના છાપીમાં CAAના વિરોધમાં વિરોધ કરાયો હતો. આ દરમિયાન ટોળાએ પોલીસની ગાડીઓ પર હુમલો કર્યો હતો. ટોળાએ પોલીસ અને સરકારી ગાડીઓને ટાર્ગેટ કર્યો. વિરોધ કરી રહેલા લોકોએ પોલીસ પર હુમલો કર્યો હતો. આ ઘટનાના વીડિયો સામે આવ્યા છે. પોલીસ સાથે ગેરવર્તણૂંક કરતા લોકોના વીડિયો સામે આવ્યા છે. જીપમાં બેસી રહેલા પોલીસકર્મીઓએ વીડિયો ઉતાર્યા છે.
બનાસકાંઠાના છાપીમાં પોલીસની ગાડીને જ ટાર્ગેટ કરાઈ
હાઈવેને કર્યો ચક્કાજામ
3022 સામે નોંધાઈ ફરિયાદ
છાપીમાં હાઈવે પણ ચક્કાજામ કરવામાં આવ્યો હતો. પોલીસને પાછા પાડવા માટે પોલીસની ગાડીને ત્યાં એકઠા થયેલા લોકોએ ઘેરી લીધી હતી. પોલીસની ગાડીને ત્યાં સુધી હચમચાવી હતી કે, પોલીસે રીતસર ત્યાંથી પોબારા ગણવા પડ્યા હતા. આ ઘટનાનો વીડિયો સામે આવ્યો છે. 10 કિલોમીટર સુધી ટ્રાફિક જામ થઈ જશે.
3022 લોકો સામે ફરિયાદ
3000 લોકોનાં ટોળા સામે ફરિયાદ દાખલ કરી છે. જેમાં 22 વ્યક્તિઓ સામે નામજોગ ફરિયાદ સહિત કુલ 3022 લોકો સામે ફરિયાદ દાખલ થઈ છે. ફરિયાદમાં પોલીસ પર હુમલો, રાયોટિંગ, તોડફોડ, ગુનાહિત કાવતરું રચવાનો આરોપ લગાવવામાં આવ્યો છે.