વર્ષ 2008થી શહેરીજનો પબ્લિક ટ્રાન્સપોર્ટ સિસ્ટમનો બહોળો ઉપયોગ કરે એ હેતુથી શરૂ કરવામાં આવેલ BRTS બસ અમદાવાદ મહાનગરપાલિકા માટે સફેદ હાથી સમાન પુરવાર સાબિત થઇ છે.
અમદાવાદ મહાનગરપાલિકાનો BRTS પ્રોજેક્ટ ખોટમાં
વર્ષ 2021-22માં BRTSને 107 કરોડની ખોટ
છેલ્લા 3 વર્ષમાં BRTSને રૂપિયા 265 કરોડની ખોટ
પબ્લિક ટ્રાન્સપોર્ટ માટે શરૂ કરવામાં આવી હતી BRTS
ખાનગીકરણ થયું હોવાથી BRTS ખોટમાં જતી હોવાનો વિપક્ષનો આક્ષેપ
અમદાવાદના લોકો પબ્લિક ટ્રાન્સપોર્ટ સિસ્ટમનો બહોળો ઉપયોગ કરી શકે તે માટે અમદાવાદમાં વર્ષ 2008માં BRTS બસ સેવા શરૂ કરવામાં આવી હતી. જેમાં અત્યારે કરોડો રૂપિયાની ખોટ થઇ રહી છે. અમદાવાદના નાગરિકો ટ્રાફિકમાં ફસાયા વિના એક સ્થળેથી બીજા સ્થળે ઝડપી પહોંચી શકે તે માટે BRTS જનમાર્ગ સેવા શરૂ કરવામાં આવી હતી. વર્ષ 2008-09માં શરૂ થયેલી આ બસ સેવા હવે તંત્ર માટે બોજો સાબિત થઇ છે. છેલ્લા 3 વર્ષમાં BRTSને રૂપિયા 265 કરોડની ખોટ થઈ છે. BRTSની સાથે અમદાવાદમાં AMTS બસ સેવા પણ ખોટમાં ચાલી રહી છે. ત્યારે ખાનગીકરણ થયું હોવાથી BRTS ખોટમાં જતી હોવાનો આક્ષેપ વિપક્ષે કર્યો છે.
વિપક્ષના આક્ષેપ- ખાનગીકરણ થતા બસ ખોટમાં ગઈ
BRTS ખોટમાં ચાલવા મુદ્દે અમદાવાદ મહાનગરપાલિકાના વિપક્ષ ઉપનેતા નીરવ બક્ષીએ સત્તાપક્ષ પર આક્ષેપ કર્યા છે. તેમણે કહ્યું કે, 'ટ્રાસન્પોર્ટ સેવાનું ખાનગીકરણ કરી તંત્ર ખોટમાં આવ્યું છે. BRTS ખાનગી કોન્ટ્રાક્ટરોને સોંપતા જ મળતીયાઓ રૂપિયા કમાય છે.'
જનતા માટે શરૂ કરવામાં આવેલી સેવામાં નફા-નુકસાનનું જોવાનું હોય નહીં: મેયર
વિપક્ષના આક્ષેપનો જવાબ આપતા અમદાવાદના મેયર કિરીટ પરમારે કહ્યું કે, 'ટ્રાન્સપોર્ટ સેવા જનતા માટે હોય છે અને તે ખોટ ખાઈને પણ ચાલવવી પડતી હોય છે. જનતા માટે શરૂ કરવામાં આવેલી સેવામાં નફા-નુકસાનનું જોવાનું હોય નહીં.'
BRTS ખોટ કરતી થવાથી ટ્રાન્સપોર્ટેશન પર બોજો વધશે
ઉલ્લેખનીય છે કે, AMTSના માથે મનપાના રૂપિયા 3 હજાર 673 કરોડની લોનનું દેવું છે, ત્યારે BRTS પણ હવે ખોટ કરતી થવાથી ટ્રાન્સપોર્ટેશન પર બોજો વધશે. BRTSની ખોટ વર્ષ 2021-22માં રૂ 107 કરોડ થઇ ત્રણ વર્ષમાં કુલ રૂ.265 કરોડ પર પહોંચી ગઈ છે. એક તરફ તંત્ર પાસે તિજોરીમાં રૂપિયા નથી અને બીજી તરફ ખાનગીકરણ કરાયેલ ટ્રાન્સપોર્ટ સેવા ખોટ પર ખોટ કરી રહી છે.
સળગતા સવાલ
- પબ્લિક ટ્રાન્સપોર્ટ ખોટમાં કેમ ચાલે છે?
- શું AMC BRTSમાં ધ્યાન નથી આપતું?
- BRTS ફાયદામાં કેમ નથી ચાલતી?
- BRTS ખોટમાં જવાનું કારણ શું?
- BRTSને ફાયદામાં લાવવા AMCએ શું પગલાં લીધા?1
- શું ખાનગરીકરણ કરવાથી BRTS ખોટમાં ચાલે છે?
- લોકો મોટા પ્રમાણમાં BRTSમાં સવારી કરે છે છતાં BRTS ખોટમાં કેમ ચાલે છે?
- શું BRTS શરૂ કરવાનો નિર્ણય ઉતાવળમાં લેવામાં આવ્યો હતો?
- શહેરમાં AMTS અને BRTS બન્ને ચાલે છે એટલા માટે BRTS ખોટમાં ચાલે છે?