અમદાવાદ: સુપ્રીમ કોર્ટે ફટાકડા ફોડવા પર રાત્રીનો 8 થી 10નો સમય નક્કી કર્યો છે. તેમ છતા સુપ્રીમ કોર્ટના આદેશનો ભંગ ખુલ્લેઆમ જોવા મળ્યો.
સુપ્રીમ કોર્ટના આદેશ બાદ પણ રાજ્યભર સહિત અમદાવાદમાં પણ મોડી રાત સુધી ફટાકડા ફૂટતા જોવા મળ્યા.
શિવરંજનીમાં વિસ્તારમાં પણ આવા જ કંઈક દ્રશ્યો સામે આવ્યા. શિવરંજનીમાં પોલીસતંત્રની PCR વાન સામે જ લોકોએ ફટાકડા ફોડ્યા પણ પોલીસ મૂકપ્રેક્ષક બનીને જોતી રહી.
જો કે બીજી બાજુ ફટાકડા ફોડવાના જાહેરનામાના ભંગ બદલ પોલીસે એક વ્યક્તિની ધરપકડ કરી છે. અમદાવાદના રામોલમાં પોલીસે આ કાર્યવાહી કરી છે. રામોલમાં ફટાકડા ફોડવાને લઈને સુપ્રીમ કોર્ટના આદેશના ભંગ બદલ રામોલ પોલીસે એક વ્યક્તિની ધરપકડ કરી છે. આ વ્યક્તિ મોડી રાતે બિન્દાસ્ત ફટાકડા ફોડી રહ્યો હતો. વાતની જાણ પોલીસને થતા પોલીસે કડક કાર્યવાહી કરી. એટલું જ નહીં અગાઉ અમરાઈવાડી પોલીસે પણ જાહેરનામા ભંગ બદલ બે વ્યક્તિની ધરપકડ કરી હતી.