ઉત્તરપ્રદેશ બાંદામાં એક સગીરા સાથે દુષ્કર્મનો વધુ એક કિસ્સો સામે આવ્યો છે. આ ગુનો કરનાર યુવક છોકરીને પહેલેથી જ ઓળખતો હતો. તેણે આ સગીરા સાથે ક્રૂરતાભર્યું કામ કર્યું અને તે દરમિયાન તેના ફોટોઝ પણ લીધા. ચોંકાવનારી વાત તો એ છે કે બળાત્કાર કરતાં એ ફોટોઝને ગુનેગારે પોતાના સ્ટેટસ પર ચડાવ્યાં હતાં.
ઉત્તરપ્રદેશમાં દુષ્કર્મનો વધુ એક કિસ્સો
સગીરા સાથે આચરવામાં આવ્યું દુષ્કર્મ
આરોપીએ ફોટો લઇ મૂક્યો સ્ટેટસ પર
પોલીસમાં નોંધાઇ ફરિયાદ, આરોપીની ધરપકડ
યૂપી: બાંદામાં ક્રૂરતાનો વધુ એક કિસ્સો સામે આવ્યો છે. આ સ્થળે એક યુવકે સગીરા છોકરીનો રેપ કર્યો અને તેના ફોટો પણ લીધાં. ભ્રષ્ટબુદ્ધી રેપિસ્ટે આ ફોટોને પોતાના સ્ટેટસ પર પણ લગાવ્યો હતો. પીડિતાનાં પરિવારે આ યુવક વિરૂદ્ધ પોલીસમાં ફરિયાદ નોંધાવી છે.
આ છે સમગ્ર મામલો
આ ઘટના અતર્રા પોલીસ સ્ટેશન ક્ષેત્રની છે. અહીં રહેતી એક સગીરા છોકરી પશુવાડામાં કામ કરીને પોતાના ઘરે જઇ રહી હતી. આરોપ એ છે કે તે દરમિયાન જ એક યુવકે તેને પકડી લીધી અને નજીકનાં ખેતરમાં લઇ જઇ દુષ્કર્મ આચર્યું. તેણે સગીરાની આબરૂ લૂંટતા સમયે મોબાઇલથી ફોટા લીધા અને સ્ટેટસ પર મુક્યાં. કોઇક રીતે યુવક પાસેથી ભાગીને સગીરાં પોતાના ઘરે પહોંચી જ્યાં તેણે પોતાના પરિવારજનો સાથે આ ઘટનાની વાત કરી.ૉ
એકબીજાંને પહેલાંથી ઓળખતાં હતાં બંને
આ સમગ્ર પ્રકરણ પર ASP લક્ષ્મી નિવાસ મિશ્રે કહ્યું કે છોકરી અને છોકરો પહેલાંથી એકબીજાંને ઓળખતાં હતાં. અત્યાર સુધીની તપાસમાં માહિતી મળી છે કે બંને સગીર હતાં અને છોકરાએ આવું ક્રૂર કૃત્ય કર્યું છે.
જેલમાં ધકેલાયો આરોપી
માહિતી અનુસાર પીડિત પરિવારની ફરિયાદ પર સંબંધિત ધારાઓમાં કેસ નોંધવામાં આવ્યો છે. આ સાથે જ આરોપીની ધરપકડ કરી તેને જેલમાં ધકેલી દેવામાં આવ્યો છે. બાંદામાં વધી રહેલાં અપરાધોની પ્રશ્નોત્તરીમાં એએસપી એ કહ્યું કે વારંવાર લોકોને જાગરૂત કરવાનાં પ્રયાસો કરવામાં આવી રહ્યાં છે.
અપહરણ કરી સગીરા સાથે રેપ
આ જિલ્લામાં થોડા દિવસ પહેલાં સગીરા છોકરીને કિડનેપ કરી તેની સાથે દુષ્કર્મ આચરવાનો કેસ સામે આવ્યો હતો. આરોપ છે તે ગામનાં 2 યુવકોએ સગીરાને વાતોમાં ફસાવીને પોતાની સાથે લઇ ગયાં અને રેપ કર્યો. આ સાથે જ આ અશ્લિલ કૃત્યનો વીડિયો લીધો અને મારી નાખવાની ધમકી આપી.