કંગના રનૌતે ફરી એકવાર 'બ્રહ્માસ્ત્ર'ના વધતા કલેક્શનને લઈને એવી વાત કરી છે કે તેનું નિવેદન વાયરલ થઈ રહ્યું છે.
કંગના રનૌતે ફરી એકવાર 'બ્રહ્માસ્ત્ર'ના વધતા કલેક્શન પર કટાક્ષ કર્યો
કમાણીના આંકડા અને બજેટ પ્રમાણે ફિલ્મ ફ્લોપ છે
રણબીર કપૂર, આલિયા ભટ્ટ, નાગાર્જુન, અમિતાભ બચ્ચન, શાહરૂખ ખાન અને મૌની રોય સ્ટારર ફિલ્મ બ્રહ્માસ્ત્ર ને સોશ્યલ મીડિયામાં એક તરફ બૉયકોટ કરવામાં આવી રહી હતી પણ રિલીઝ થતાંની સાથે જ દર્શકોનો સારો પ્રતિસાદ મળ્યો હતો. જો કે અમુક લોકો એવા પણ હતા જે ફિલ્મને બૉયકોટ કરવાની પણ માંગ કરી રહ્યા હતા. એવામાં વિવાદિત નિવેદનો માટે જાણીતી કંગના રનૌત બ્રહ્માસ્ત્ર ફિલ્મ પર કટાક્ષ કરતી આવે છે. હવે કંગના રનૌતે ફરી એકવાર 'બ્રહ્માસ્ત્ર'ના વધતા કલેક્શનને લઈને એવી વાત કરી છે કે તેનું નિવેદન વાયરલ થઈ રહ્યું છે.
કંગનાએ ફરી કર્યો કટાક્ષ
કંગના રનૌતે બૉયકોટ છતાં સારું પ્રદર્શન કરવા બદલ 'બ્રહ્માસ્ત્ર' ને લઈને મૂવી માફિયા પર નિશાન સાધ્યું છે. કંગના રનૌતે હાલ જ એક ઇન્સ્ટા સ્ટોરી પર એક સ્ક્રીનશૉટ શેર કર્યો છે અને ફિલ્મ બ્રહ્માસ્ત્રના કલેક્શન વિશે એવી વાત કહી કે છે ફિલ્મ મેકર્સ અને સ્ટાર્સને ચોક્કસપણે ખોટી લાગશે. કંગના રનૌતે ઇન્સ્ટા સ્ટોરી પર બોક્સ ઓફિસ એગ્રીગેટર વેબ સાઇટ aandhaboxoffice.com પરથી એક ટ્વિટ શેર કર્યું છે. જેમાં લખ્યું છે કે 'બ્રહ્માસ્ત્રે અત્યાર સુધી વર્લ્ડ વાઈડ 246 કરોડની કમાણી કરી છે પણ ફિલ્મ 650 કરોડ રૂપિયામાં બની છે તો આ કમાણી ખૂબ નાનો હિસ્સો કહેવાય.'
કમાણીના આંકડા અને બજેટ પ્રમાણે ફિલ્મ ફ્લોપ છે
આ સ્ક્રીનશૉટ શેર કરતાં કંગના રનૌતે લખ્યું હતું કે 'ફિલ્મ એ માત્ર 144 કરોડ રૂપિયામાં સૌથી વધુ હિટ ફિલ્મની લિસ્ટમાં તેને જાહેર કરવામાં આવી છે. આ એટલા માટે જ છે કે મૂવી માફિયા કેવી રીતે કામ કરે છે. ટે લોકો જ નક્કી કરે છે કે ફિલ્મ કેવી રીતે હિટ અને ફ્લોપ થશે. તેઓ પોતે જ પસંદ કરે છે કે કોનો બૉયકોટ કરવો પણ હવે તેઓ છત્તા થઈ ગયા છે. ' જણાવી દઈએ કે કંગના રનૌતે ફિલ્મ રિલીઝ થતાની સાથે તેના પર કટાક્ષ શરૂ કરી દીધો હતો. આ ફિલ્મમાં આલિયા ભટ્ટ અને રણબીર કપૂર લીડ રોલમાં છે.