પોલીસ હેડ ક્વાર્ટરમાં કામ કરતા કમલેશ વસાવા છેલ્લા એક માસથી હતા ગુમ
વડોદરામાંથી ગુમ થયેલા હેડ કોન્સ્ટેબલનો મૃતદેહ મળી આવતા પરિવારજનોમાં ચકચાર મચી જવા પામી છે. જામ્બુવા બ્રિજ પાસેથી ડી-કમ્પોઝ હાલતમાં હેડ કોન્સ્ટેબલનો મૃતદેહ મળી આવતા પોલીસ આલમમાં ચકચાર મચી જવા પામી છે. ઉલ્લેખનિય છે કે પોલીસ હેડ ક્વાર્ટર ફરજ બજાવતા કમલેશ વસાવા લાંબા સમયથી કોઈ કારણસર લાપતા બન્યા હતા. આ મામલે કમલેશ વસાવાના પત્નીએ બાપોદ પોલીસ સ્ટેશનમાં ફરિયાદ પણ દાખલ કરી હતી.
કમલેશ વસાવાના પત્નીએ બાપોદ પોલીસ સ્ટેશનમાં નોંધાવી હતી ફરિયાદ
બાપોદ પોલીસ સ્ટેશનની પાછળ પોલીસ લાઇનમાં પરિવાર સાથે રહેતા કમલેશભાઇ વસાવા છેલ્લા ૧૦ વર્ષથી વડોદરા પ્રતાપનગર હેડ ક્વાર્ટરમાં નોકરી કરતા હતા. જે ગત તા.૩૦ મી એ રાતે સાડા બાર વાગ્યે હું નીચે જઇને આવું છું.તેમ કહીંને ક્યાંક ચાલ્યા ગયા હતા. તેઓ પોતાનો મોબાઈલ ઘરે રાખીને ઘરેથી નીચે ઉતર્યા પછી તેઓ બાઇક લઇને ગયા હતા. જે લાંબા સમયથી ન આવતા પરિવારજનોએ સગા સંબંધીઓ અને આસપાસના લોકોનો સંપર્ક સાધી તપાસ હાથ ધરી હતી. પરંતુ,કમલેશભાઇનો પત્તો નહીં લાગતા છેવટે બાપોદ પોલીસ સ્ટેશનમાં ગૂમ થયાની જાણ કરી હતી.
કોઈ મને મારી નાખશે આવું કહીને ઘરેથી બાઈક પર બેસી કમલેશ વસાવા નીકળ્યા હતા
એટલું જ નહીં ફરિયાદ બાદ પણ કમલેશ વસાવા ન મળતાં અંતે તેમની પત્ની કાંતાબેન વસાવાએ પોલીસ કમિશનરને પણ રજુઆત કરી હતી. 'કોઈ મને મારી નાખશે' આવું કહીને કમલેશભાઈ ઘરેથી બાઈક પર બેસી નીકળી ગયા હતા જેનો આજે લાંબી તપાસ બાદ મૃતદેહ મળી આવ્યો હતો.