ફેસલો ગુજરાતનો / ભાજપે જીતેલી 156 માંથી આ ચાર બેઠકો સૌથી ખાસ, ગુજરાતના ઈતિહાસમાં થયા સૌથી મોટા ઉલટફેર

• ભાજપ ક્યારેય નહોતું જીત્યું તેવી બેઠકોનું પરિણામ
• આજ સુધી એકપણ વાર ન જીતેલી 4 બેઠકો ભાજપ જીતી
• આંકલાવ, દાણીલીમડામાં આજ સુધીન ન જીતી શક્યું ભાજપ 

ગુજરાત ટ્રેન્ડમાં ભાજપ ફરી એકવાર પૂર્ણ બહુમતી તરફ આગળ વધી રહ્યું છે. એગ્ઝીટ પોલના આંકડાઓ મુજબ ભાજપ જોરદાર રીત જીત મેળવી રહ્યું છે. કેટલીક બેઠકોના પરિણામો આવી ગયા છે જેમાં ભાજપનો વિજય થયો છે તેમજ 156 બેઠકો પર ભાજપ જીતે છે. તેમજ 16 બેઠકો પર કોંગ્રેસ અને આમ આદમી પાર્ટી 5 બેઠકો પર જીત છે તેમજ અન્યના ખાતામાં 4 બેઠકો ગઈ છે. સૌથી મોટી વાત એ છે કે, 1960 પછી એવી છ બેઠકો હતી જ્યાં ભાજપ 2017 સુધી જીતી શકી નહોતી પરંતુ આ વખતે ભાજપે જે 6માંથી 4 બેઠકો પોતાના હસ્તક કરી લીધી હતી.

ભાજપે બનાવ્યો નવો રેકોર્ડ
ભાજપે આ વખતની ચૂંટણીમાં ઘણા જૂના રેકોર્ડ તોડે તેમ છે. માનવમાં આવે છે કે, બેઠકો જીતવામાં આજ સુધીના તમામ રેકોર્ડ તો તોડી જ રહી છે પરંતુ આ બધાની વચ્ચે મોટી વાત એ છે કે, ગુજરાત વિધાનસભાની એવી છ બેઠકો હતી જે ભાજપ અત્યાર સુધી જીત્યું ન હતું જેમાંથી આ ચૂંટણીમાં 4 બેઠક જીતી નવો રેકોર્ડ પણ પોતાના હસ્તક કર્યો છે. જેમાં બોરસદ બેઠક પર ભાજપના ઉમેદવાર રામાભાઈ સોલંકીએ વિજય મેળવ્યો છે. ઝઘડિયા બેઠક પર ભાજપના ઉમેદાવર રિતેષ વસાવા જીત્યા છે વ્યારા બેઠક પર મોહન ભાઈ જે કમળના નિશાન પર જીત મેળવી છે. તેમજ ગરબાડામાં પણ કેસરીયો પ્રથમ વાર થયો છે જ્યાં મહેન્દ્રસિંહ જીત હાંસલ કરી છે.

આ સીટો પર હજુ સુધી નથી જીતી શકી BJP
ગુજરાતમાં વર્ષ 1998થી ભાજપ સતત જીતી રહ્યું છે, પરંતુ ભાજપ આ 2 બેઠકો પર ક્યારેય મુખ્ય ચૂંટણીમાં જીત નોંધાવી શક્યું નથી. આ બેઠકોના નામ છે આંકલાવ, દાણીલીમડા જ્યાં ભારતીય જનતા પાર્ટીને એક પણ વખત સફળતા મળી નથી. વાસ્તવમાં, ગુજરાત રાજ્યની રચના વર્ષ 1960માં મહારાષ્ટ્રથી અલગ થયા બાદ થઈ હતી. આ વખતે અંકલાવ બેઠક પર કોંગ્રેસ નેતા અમિત ચાવડા જીત્યા છે જ્યારે દાણીલીમડા બેઠક પર શૈલેષ પરમારનો વિજય થયો છે. 

અંકલાવ બેઠકના સમીકરણો જાણો
ગુજરાત કોંગ્રેસ કમિટીના પૂર્વ પ્રમુખ અમિત ચાવડા આ બેઠક પરથી ચૂંટણી લડી રહ્યા હોવાથી આ બેઠક પર દરેકની નજર હતી. વાસ્તવમાં આંકલાવ વિધાનસભા બેઠકની રચના વર્ષ 2012માં નવા સીમાંકન બાદ કરવામાં આવી હતી.  આ બેઠક પર વર્ષ 2012થી જ કોંગ્રેસનો દબદબો જોવા મળ્યો છે એટલે આ બેઠકને કોંગ્રેસનો ગઢ કહી શકાય છે. અહીં ભાજપ એક વાર પણ જીતી શકી નથી. ગુજરાત વિધાનસભાની 182 વિધાનસભા બેઠક પૈકી 110 નંબરની આંકલાવ બેઠક અંતર્ગત આંકલાવ તાલુકા અને તે સિવાય આંકલાવ તાલુકાના ખાનપુર, સરસા, બેવડા, ગોપાલપુરા, મોગર, ખેડ્રા, વહેરાખંડી, રામનગર, વડોદ વગેરે જેવા કુલ 17 ગામોનો સમાવેશ થાય છે. અહીંના લોકો મોટાભાગે ખેતીના વ્યવસાય સાથે સંકળાયેલા છે.