VIDEO / ભાજપના ધારાસભ્યની અધિકારીઓને ધમકી, કામ ન કરે તો 14મું રતન બતાવી દઈશ

• MLA મધુ શ્રીવાસ્તવનો ફરી વિવાદ
• મધુ શ્રીવાસ્તવ વાઘોડિયાના ધારાસભ્ય
• અધિકારીઓને આપી દીધી ખુલ્લી ધમકી

વડોદરામાં વાઘોડિયાના ધારાસભ્ય મધુ શ્રીવાસ્તવ અવાર નવાર વિવાદોથી ઘેરાયેલા રહે છે. MLA મધુ શ્રીવાસ્તવ વિવાદ નિવેદનને લઈ ફરી ચર્ચામાં આવ્યા છે. MLA ગરીબ કલ્યાણ અન્ન યોજના કાર્યક્રમમાં અધિકારીઓને 14મું રતન બતાવવાની ધમકી આપી છે.  ગરીબ કલ્યાણ અન્ન યોજના કાર્યક્રમમાં નિવેદન આપતા સરકારી કાર્યક્રમને પાર્ટીનો કાર્યક્રમ બનાવી અધિકારીઓને 4મું રતન  બતાવી દેવાની વાત કરી છે. 

મધુ શ્રીવાસ્તવ હંમેશા વિવાદોથી ઘેરાયેલા રહે છે

મહત્વનું છે કે અગાઉ પણ ભાજપના આ ધારાસભ્ય વિવાદમાં આવી ચુક્યા છે.  અગાઉ મીડિયા સાથે ગેરવર્તણુક કરી હતી ત્યારે હવે મધુ શ્રીવાસ્તવનો એક વ્યક્તિ સાથે ગાળાગાળી કરતો વીડિયો સામે આવ્યો હતો.ભાજપના MLA મધુ શ્રીવાસ્તવે અગાઉ  ભાજપ કાર્યાલય ઉદ્વાટન પ્રસંગે પોલીસ અને કલેક્ટર તંત્રને મારા ખિસ્સામાં લઇને ફરૂ છું તેવું પણ નિવેદન આપીને પણ વિવાદ સર્જ્યો હતો. ચૂંટણી સમયે ભાજપમાં ટિકિટ ફાળવણી મુદ્દે પણ  મધુ શ્રીવાસ્તવે વિવાદ ઉભો કર્યો હતો  દીકરાને ટિકિટ ન મળતાં નારાજગી વ્યક્ત કરી હતી તે વખતે મધુ શ્રીવાસ્તવે કહ્યું હતું કે 'એક પક્ષ ઉપર છાપ નથી મારી, પક્ષ નિર્ણય નહીં બદલે તો અપક્ષની ચૂંટણીનું નિવેદન આપ્યું હતું.