મોટા સમાચાર / BIG NEWS: JEE એડવાન્સ 2022 ની તારીખો બદલાઈ, જાણો હવે ક્યારે લેવાશે પરીક્ષા

• JEE એડવાન્સ 2022 માટેની પરીક્ષાની તારીખો બદલાઈ 
• JEE એડવાન્સ 2022 પરીક્ષા સવાર અને બપોરની પાળીમાં લેવામાં આવશે. 
• ઉમેદવારો જાતે વેબસાઈટ પર જઈ સંપૂર્ણ સમયપત્રક પણ ચકાસી શકશે

JEE એડવાન્સ 2022 માટેની પરીક્ષાની તારીખો બદલાઈ 

જોઈન્ટ એન્ટ્રન્સ એક્ઝામિનેશન (JEE) એડવાન્સ 2022 માટેની પરીક્ષાની તારીખો બદલવામાં આવી છે. હવે ઇન્ડિયન ઇન્સ્ટિટ્યૂટ ઑફ ટેક્નોલોજી (IIT) બોમ્બે 28 ઓગસ્ટે JEE એડવાન્સ્ડ 2022 પરીક્ષાનું આયોજન કરશે. અગાઉ આ પરીક્ષા 3 જુલાઈના રોજ યોજાવાની હતી. JEE એડવાન્સ 2022 માટેની અરજી પ્રક્રિયા 7 થી 11 ઓગસ્ટ, 2022 દરમિયાન હાથ ધરવામાં આવશે. અરજી ફી ભરવાની છેલ્લી તારીખ 12 ઓગસ્ટ છે. જે ઉમેદવારો JEE એડવાન્સ્ડ 2022 માં હાજર થવા ઈચ્છે છે તેઓ 23 થી 28 ઓગસ્ટ, 2022 દરમિયાન JEE એડવાન્સ્ડની સત્તાવાર વેબસાઈટ jeeadv.ac.in પર જઈને તેમનું એડમિટ કાર્ડ ડાઉનલોડ કરી શકે છે.

JEE એડવાન્સ 2022 પરીક્ષા સવાર અને બપોરની પાળીમાં લેવામાં આવશે. 

JEE એડવાન્સ 2022 પરીક્ષા સવાર અને બપોરની પાળીમાં લેવામાં આવશે. પેપર 1 સવારે 9 થી બપોરે 12 દરમિયાન લેવામાં આવશે, જ્યારે પેપર 2 બપોરે 2:30 થી 5:30 દરમિયાન લેવામાં આવશે. JEE એડવાન્સ 2022નું પરિણામ 11 સપ્ટેમ્બરના રોજ જાહેર કરવામાં આવશે. જાહેર કરાયેલ શેડ્યૂલ મુજબ, “પ્રોવિઝનલ આન્સર કી 3 સપ્ટેમ્બરે રિલીઝ થશે, ઉમેદવારો 3 થી 4 સપ્ટેમ્બર દરમિયાન પ્રોવિઝનલ આન્સર કી સામે વાંધો ઉઠાવી શકે છે. પ્રોવિઝનલ આન્સર કી અને પરિણામ સપ્ટેમ્બરમાં જાહેર કરવામાં આવશે. સીટ એલોટમેન્ટની પ્રક્રિયા 12 સપ્ટેમ્બરથી શરૂ થશે. 

ઉમેદવારો જાતે વેબસાઈટ પર જઈ સંપૂર્ણ સમયપત્રક પણ ચકાસી શકશે

દરમિયાન, આર્કિટેક્ચર એપ્ટિટ્યુડ ટેસ્ટ (AAT) 2022 14 સપ્ટેમ્બરના રોજ લેવામાં આવશે અને પરિણામ 17 સપ્ટેમ્બર, 2022ના રોજ જાહેર કરવામાં આવશે. AAT 2022 એપ્લિકેશન પ્રક્રિયા 11 થી 12 સપ્ટેમ્બર દરમિયાન હાથ ધરવામાં આવશે. આ ઉપરાંત, ઉમેદવારો આ લિંક https://jeeadv.ac.in/schedule.html પર સીધું ક્લિક કરીને JEE એડવાન્સ 2022 નું સંપૂર્ણ સમયપત્રક પણ ચકાસી શકે છે.