કોમોડિટી / કોરોનાના કહેર વચ્ચે સોના-ચાંદીના ભાવમાં મોટો ફેરફાર, જાણો આજના ભાવ

• કોરોનાના કહેર વચ્ચે સોના-ચાંદીના ભાવમાં ફેરફાર
• જાણો સોના-ચાંદીના નવા ભાવ 

ઉલ્લેખનીય છે કે 30 માર્ચના રોજ 10 ગ્રામ સોનું (Gold 999) 377 રૂપિયાના ઘટાડા સાથે ખુલ્યો હતો. એટલે કે 43298 રૂપિયા પ્રતિ 10 ગ્રામના ભાવે ખૂલ્યો. જ્યારે તે શુક્રવારે 43675 રૂપિયા પ્રતિ 10 ગ્રામ પર બંધ થયો હતો. બીજી બાજુ ચાંદીની વાત કરીએ તો ચાંદીના ભાવમાં 1900 રૂપિયા પ્રતિ કિલોનો ઘટાડો જોવા મળ્યો છે.

બુલિયન માર્કેટ શું છે

સોના-ચાંદી જેવી કિંમતી ધાતુઓનો વેપાર ફક્ત બુલિયન માર્કેટ દ્વારા થાય છે. સોનું બે રીતે ખરીદવામાં આવે છે. સામાન્ય લોકો બુલિયન માર્કેટમાંથી સોનાની ખરીદી કરે છે. તો આ તરફ ધંધાદારી લોકો વાયદા બજાર મારફતે સોનાની ખરીદી કરતા હોય છે. બુલિયન માર્કેટ એક એવી જગ્યા છે જ્યાં વાયદાના બજારમાં સોના-ચાંદીનો વેપાર થાય છે.

0.81 ટકાનો થયો ઘટાડો

મલ્ટિ કોમોડિટી એક્સચેંજમાં એપ્રિલ ડિલિવરી માટે સોનું રૂ .354 અથવા 0.81 ટકા ઘટીને 43,217 રૂપિયા પ્રતિ 10 ગ્રામ થયું છે. તે 85 લોટનો વેપાર કરે છે. એ જ રીતે જૂન ડિલિવરી સાથે સોનું રૂ. 462 અથવા 1.06 ટકા ઘટીને રૂ. 43,083 પર પ્રતિ 10 ગ્રામ રહ્યું છે. તે 975 લોટનો વેપાર કરે છે. બજારના વિશ્લેષકોએ જણાવ્યું હતું કે સોનાના વાયદાના ભાવમાં ઘટાડો નબળા માંગને કારણે થયો હતો. વૈશ્વિક સ્તરે, ન્યુ યોર્કમાં સોનું 0.84 ટકા ઘટીને 1,640.20 ડોલર પ્રતિ ઔસ પર ટ્રેડ કરી રહ્યું છે.