શિયાળાની શરૂઆત થઈ ચૂકી છે અને માર્કેટમાં મેથી પણ ભરપૂર પ્રમાણમાં મળી રહી છે. તો રાહ કોની જુઓ છો. લઈ આવો આ તાજી મેથી અને ઘરે બનાવી લો ફરસાણને યાદ કરીને ગરમાગરમ મેથીના ગોટા, રવિવારે પરિવાર સાથે આ ગોટા ખાવાનો જલસો પડી જશે.
શિયાળામાં બનાવી લો ખાસ ગોટા
મેથીના ગોટાની સરળ રેસિપી
ટેસ્ટ અને હેલ્થ માટે છે બેસ્ટ
સામગ્રી
- 2 વાટકા બેસનનો લોટ
- 1/2 વાટકો મેથીની ભાજી(ભાજી ધોઈને ઝીણી સમારીને લે
- ચપટી જેટલી હિંગ
- 1 ચમચી ખાવાનો સોડા
- 1 મીડિયમ સાઈઝની ડુંગળી
- કોથમીર
- 1/2 લીંબુ
- તેલ મોણ માટે અને તળવા માટે
- પાણી જરૂર મુજબ
- 1/2 મરી પાઉડર
રીત
એક બાઉલમાં 2 કપ પાણીમાં ચણાનો લોટો ઉમેરી તેમાં મેથી, કોથમીર, ડુંગળી, મરચા અને તમામ અન્ય મસાલો ઉમેરી લો. હવે આ મિશ્રિણને હાથની મદદથી સતત હલાવો. જ્યારે તે સારી રીતે મિક્સ થઈ જાય ત્યારે તેને 10 મિનિટ માટે રહેવા દો. જો તમે આ માપથી ભજિયાનો લોટ પલાળ્યો હશે તો ભજિયા એકદમ પરફેક્ટ તૈયાર થશે.
હવે એક કઢાઈમાં તેલ ગરમ કરવા મૂકો, તેલ બરોબર ગરમ થઈ જાય એટલે હવે ખીરામાં લીંબુ નીચોડી તેને હલાવી લો. હવે તળવા માટે મુકેલા ગરમ તેલ માંથી એક ચમચો તેલ ખીરામાં ઉમેરવું ને ચમચીની મદદથી હલાવી લેવું. આમ કરવાથી ગોટા સોફ્ટ બનશે. હવે ધીરે ધીરે તૈયાર ખીરામાંથી હાથની મદદથી ગોટા મૂકતા જાઓ. ગોટાને ધીમા ગેસે બંને બાજુ બ્રાઉન રંગના થાય ત્યાં સુધી તળો.
ગોટા બરોબર તળાઈ જાય એટલે તેને કઢાઈમાંથી એક પ્લેટમાં કાઢો અને ગરમાગરમ ગોટાને લીલી ચટણી, દહીં અને ટોમેટો કેચપ તથા તળેલા લીલા મરચાંની સાથે સર્વ કરશું. પછી જુઓ શિયાળામાં મેથીના આ ગોટા હેલ્થ અને ટેસ્ટમાં કેવો કમાલ કરે છે.
નોંધ- જ્યારે પણ મેથીના ગોટા તળવાનું શરૂ કરો તે પહેલાં તેના ખીરામાં એક ચમચો ગરમ તેલ ઉમેરો, ગોટા સોફ્ટ અને ટેસ્ટી બનશે.