મહારાષ્ટ્રના થાણેની કોર્ટે બાંગ્લાદેશની એક 25 વર્ષિય યુવતીને દેશમાં ગેરકાનૂની રીતે રહેવાના આરોપમાં અઢી વર્ષની જેલની સજા સંભળાવી છે.
મહારાષ્ટ્રના થાણેની કોર્ટે બાંગ્લાદેશની એક 25 વર્ષિય યુવતીને દેશમાં ગેરકાનૂની રીતે રહેવાના આરોપમાં અઢી વર્ષની જેલની સજા સંભળાવી છે. જિલ્લા અધિક સત્ર ન્યાયાધિશ એ.એસ.પંધારીકરે બાંગ્લાદેશને નોદલ જિલ્લાની નિવાસી રિમી મોહમ્મદ રમઝાન સિદ્દરને ભારતીય પાસપોર્ટ અધિનિયમ અને વિદેશી અધિનિયન સંબંધિત કલમો અંતર્ગત દોષિત ઠેરવી છે. મહિલાને 2 વર્ષ 5 મહિનાની જેલની સજા સંભળાવી છે અને 14,000 રૂપિયાનો દંડ પણ ફટકાર્યો છે.
કોર્ટે આ આદેશ 21 જાન્યુઆરીના રોજ સંભળાવ્યો હતો. તેની કોપી ગુરૂવારે મળી હતી. કોર્ટે સૂચન કર્યું છે કે, મે 2019માં જિલ્લા પોલીસના અધિકારીઓએ કાશ્મીરા સ્લમ વિસ્તારમાં શોધખોળ કરી હતી અને ગેરકાનૂની રીતે રહેતી ત્રણ બાંગ્લાદેશી મહિલાઓની ધરપકડ કરી છે. તેમણે કહ્યું કે, તેમની પાસે ભારતમાં રહેવા માટે પાસપોર્ટ કે વિઝા હતાં નહીં. અન્ય બે મહિલાઓ જામીન પર છે.