IPLIN
 
  • Home
  • India
  • Balasore train accident: First train overturns, then electric wire falls on bogie, electrocution kills 40 passengers

ઓડિશા ટ્રેન દુર્ઘટના / બાલાસોર રેલ અકસ્માતમાં સનસનીખેજ ખુલાસો, પલટતાં જ ટ્રેન પર પડ્યો વાયર, કરન્ટથી ભડથું થયા 40 લોકો

Team VTV 08:10 PM, 06 Jun 23
Follow us
Balasore train accident: First train overturns, then electric wire falls on bogie, electrocution kills 40 passengers

ઓડિશાના બાલાસોરમાં ટ્રેન દુર્ઘટનાને લઈને દરરોજ નવી માહિતી બહાર આવી રહી છે. જીઆરપીની એફઆઈઆરમાં જણાવવામાં આવ્યું છે કે અકસ્માતમાં 40 લોકો વીજળીનો કરંટ લાગવાથી જીવ ગુમાવ્યા છે.

  • ઓડિશાના બાલાસોરમાં ટ્રેન દુર્ઘટનાને લઈને સનસનીખેજ ખુલાસો
  • પહેલા ટ્રેનની બોગીઓ પલટી પછી બોગી પર પડ્યો ઇલેક્ટ્રિક વાયર
  • કરંટ લાગવાથી બોગીમાં ફસાયેલા લોકોના મોત થયાની માહિતી

ઓડિશાના બાલાસોરમાં ટ્રેન દુર્ઘટનાને લઈને સનસનીખેજ માહિતી સામે આવી છે. કોરોમંડલ એક્સપ્રેસમાંથી બહાર કાઢવામાં આવેલા 40 લોકોના મૃતદેહો અંગે કહેવામાં આવી રહ્યું છે કે તેમના મૃત્યુ વીજ કરંટથી થયા છે. સરકારી રેલ્વે પોલીસ (જીઆરપી) એ આ અંગેની માહિતી આપી છે. આ ઘટના અંગે બાલાસોરના જીઆરપી પોલીસ સ્ટેશનમાં એફઆઈઆર નોંધવામાં આવી હતી. આ પરથી જાણવા મળે છે કે ટ્રેન અકસ્માત બાદ ઉપરના વાયરો તૂટી ગયા હતા. આ વાયરો કેટલાક કોચમાં ફસાઈ ગયા, જેના કારણે ત્યાં હાજર મુસાફરો વીજ કરંટ લાગ્યો અને મૃત્યુ પામ્યા.

 

40 મૃતદેહો પર ઈજાના અન્ય કોઈ નિશાન નથી

બાલાસોરમાં જે જગ્યાએ આ અકસ્માત થયો હતો ત્યાંથી લો ટેન્શન લાઈન પસાર થઈ રહી હતી. અધિકારીઓના જણાવ્યા અનુસાર ટ્રેન દુર્ઘટના બાદ કોચ પલટી ગયા અને ઈલેક્ટ્રીક થાંભલા તેની પકડમાં આવી ગયા. જેના કારણે થાંભલા સાથે જોડાયેલા વીજ વાયરો બોગીઓ પર પડ્યા હતા અને પરિણામે વીજ કરંટ લાગવાથી અનેક લોકોના મોત થયા હતા. યાત્રીઓના મોત વીજ કરંટથી થયા હોવાના દાવામાં સત્ય પણ દેખાઈ રહ્યું છે કારણ કે આ 40 મૃતદેહો પર ઈજાના અન્ય કોઈ નિશાન નથી.

 

CBIએ કેસની તપાસ શરૂ કરી

સેન્ટ્રલ બ્યુરો ઑફ ઇન્વેસ્ટિગેશન (CBI) એ ટ્રેન દુર્ઘટનાની તપાસ પોતાના હાથમાં લીધી છે. સીબીઆઈએ પણ આ મામલે કેસ નોંધ્યો છે. આ અકસ્માતમાં 275 મુસાફરોના મોત થયા છે, જ્યારે એક હજારથી વધુ લોકો ઘાયલ થયા છે. હાલમાં એજન્સી તપાસ કરી રહી છે કે શું આ ટ્રેન દુર્ઘટનાનું કારણ માનવ ભૂલ હતી કે તે જાણી જોઈને કરવામાં આવી હતી. સીબીઆઈના પ્રવક્તાએ કહ્યું કે સીબીઆઈએ રેલ્વે મંત્રાલયની વિનંતી પર ઓડિશા સરકારની સંમતિ અને કર્મચારી મંત્રાલયના આદેશ પર કેસ નોંધ્યો છે. વાસ્તવમાં જે પ્રકારનો ટ્રેન દુર્ઘટના છે તેને જોતા એવી પણ આશંકા છે કે કોઈએ તેને જાણી જોઈને કર્યું હશે. જો કે સાચી હકીકત તપાસ પૂર્ણ થયા બાદ જ બહાર આવશે.

કેવી રીતે થયો અકસ્માત?

2 જૂને મોડી સાંજે કોરોમંડલ એક્સપ્રેસ બાલાસોર જિલ્લામાં એક માલગાડી સાથે અથડાઈ હતી. અથડામણ બાદ કોરોમંડલની બોગી બાજુના પાટા પર પડી હતી. ત્યારે જ બેંગ્લોર-હાવડા એક્સપ્રેસ બીજી બાજુથી પસાર થઈ રહી હતી, જે પાટા પરથી ઉતરેલી બોગી સાથે અથડાઈ હતી. આ રીતે આ ટ્રેન દુર્ઘટના બની હતી. જેમાં ઘણા લોકોએ જીવ ગુમાવ્યા હતા.

Balasoretrainaccident Firsttrain overturns Electric wirefalls bogie electrocutionkills passengers
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ