પાટણમાં એક જ પરિવારના 5 સભ્યોએ મહિલા પોલીસ સ્ટેશનની બહાર આપઘાતનો પ્રયાસ કર્યો છે. પિતાએ પોતે પણ ઝેરી દવા ગટગટાવી લીધી સાથેજ સંતાનોએ પણ ઝેરી દવા પીધી જેથી હાલ પરિવારના પાંચેય સભ્યો હોસ્પિટલમાં સારવાર હેઠળ છે.
એકજ પરિવારના 5 સભ્યોનો આપઘાતનો પ્રયાસ
પત્ની ઘર છોડીને જતી રહેતા પોલીસમાં અરજી આપી હતી
પોલીસ કશું કરતી ન હતી તેવા આક્ષેપ સાથે આપઘાતનો પ્રયાસ
પાટણમાં એસપી કચેરીની બહારજ એક મોટો બનાવ બન્યો છે. જેમા એક દલિત પરિવારે એસપીની કચેરીની બહારજ આપઘાતનો પ્રયાસ કર્યો છે. જેમા કારણે આ મુદ્દો હાલ ચર્ચાનું કેન્દ્ર બની ગયો છે. મહિલા પોલીસ સ્ટેશનની બહાર આ સામૂહિક આપઘાતનો બનાવ બનતા પોલીસ પણ દોડતી થઈ ગઈ હતી.
પત્ની જતી રહેતા પતિએ પોલીસમાં અરજી આપી હતી
એકજ પરિવારના 5 સભ્યો એ આપઘાત કરી લેતા ચરચાર મચી જવા પામી છે. સમગ્ર મામલે એવી માહિતી સામે આવી છે કે પત્ની ઘર છોડીને જતી રહી હતી. જે મામલે પતિએ પોલીસમાં અરજી આપી હતી. પરંતુ આ મામલે કોઈ નિવાડો નહોતો આવી રહ્યો જેથી પતિએ કંટાળીને આ પગલું ભર્યું હતું.
4 સંતાનાઓ પણ ગટગટાવી ઝેરી દવા
પિતાના આક્ષેપ છે કે પોલીસ તેમની કામગીરી બરોબર નહોતી કરી રહી. પત્ની ઘર છોડીને ગયે પોલીસમાં અરજી કરી હતી પરંતુ તેની કોઈ ભાળ ન મળતા પતિએ તેનાજ 4 સંતાનો સાથે ઝેરી દવા ગટગટાવી લીધી. જેમા તેનો તો જીવ જોખમમાં મુકાયો હતો. સાથેજ તેની ચાર સંતોનાનો જીવ પણ જોખમમાં મુકાયો હતો.
પિતા અને સંતાનો હોસ્પિટલમાં સારવાર હેઠળ
ઉલ્લેખનીય છે કે ઝેરી દવા ગટગટાવી લેતા પિતા સહિત ચારેય સંતાનોની તબીયત લથડી પડી હતી. જેથી તેમને પોલીસ દ્વારા તાત્કાલીક GMERS હોસ્પિટલ ખસેડવામાં આવ્યા હતા. હાલ પિતા સહિત ચારેય સંતાનો હોસ્પિટલમાં સારવાર હેઠળ છે. સાથેજ તેમની હાલત પહેલા કરતા ઘણી સારી છે.