નિવેદન / કર્ણાટકની ચૂંટણીને લઇ શક્તિસિંહના ભાજપ પર પ્રહાર, ભાજપના રાજમાં લેવાતું કમિશન, જનતા ભાજપના શાસનથી ત્રસ્ત હતી કાલે ફેસલો આવી જશે

• કર્ણાટક ચૂંટણી મામલે કોંગ્રેસ નેતા શક્તિસિંહે આપ્યું નિવેદન
• કર્ણાટકમાં કોંગ્રેસ ની સરકાર આવે તેવો નિર્ણય લોકોનો 
• કર્ણાટકમાં ભાજપ રાજમાં લેવાતું કમિશન 

કર્ણાટક ચૂંટણી મામલે કોંગ્રેસ નેતા શક્તિસિંહ ગોહિલે પોતાના નિવેદનમાં જણાવ્યું હતું કે, કર્ણાટકમાં કોંગ્રેસની સરકાર આવે તેવો નિર્ણય લોકોનો છે. તેમજ કર્ણાટકમાં ભાજપ રાજમાં કમિશન લેવાતું હતું. ત્યારે જનતા ભાજપનાં શાસનથી ત્રસ્ત હતું. માટે આ વખત કોંગ્રેસ કર્ણાટકમાં આવે છે. કર્ણાટકમાં સત્તા પામવા પૈસાનો દુર ઉપયોગ થયો છે. ત્યારે કર્ણાટકમાં કોંગ્રેસની જીત નિશ્ચિત છે. આવતીકાલે નિર્ણય જાહેર થશે.
કર્ણાટકમાં સો ટકા પૂર્ણ બહુમત સાથેની કોંગ્રેસની સરકાર બનશેઃ શક્તિસિંહ ગોહિલ
આ બાબતે વધુમાં કોંગ્રેસનાં નેતા શક્તિસિંહ ગોહિલે કહ્યું હતું કે લોકોની અંદર એક દિલથી ભાવ હતો કે કોંગ્રેસની સરકાર કર્ણાટકમાં હોવી જોઈએ. અને એટલા માટે જ લોકોનું સમર્થન, પ્રેમ કર્ણાટકમાં હું પોતે પણ હતો જે જોયું છે. ઉપરાંત ત્યાંના નેતાઓ અને કાર્યકર્તાઓ એક બનીની ચૂંટણી લડ્યા છે. તેમજ જન આર્શીવાદની મને અપેક્ષા છે. સો ટકા પૂર્ણ બહુમત સાથેની કોંગ્રેસની સરકાર બનશે. આવતીકાલે પરિણામો સામે હશે. આખરે જનતા જનાર્દન નિર્ણય કરતી હોય છે.  કોઈનો અહંકાર,  પૈસા,  વૈભવ,  સત્તાનો દુરઉપયોગ આ બધુ જ ત્યાં થયું હોવા છતાં મને વિશ્વાસ છે. કે કોંગ્રેસના કાર્યકર્તાઓ અને નેતાઓની મહેનત તેમજ લોકોનાં આર્શીવાદથી પૂર્ણ બહુમત  સાથે કોંગ્રેસની સરકાર આવશે.