અમદાવાદમાં ગોધરાકાંડમાં નિર્દોષ છુટેલા આરોપી પર હિંસક હૂમલો થયો છે જેમાં તેને ગંભીર ઈજાઓ પહોંચી છે. હાલ તેને સારવાર માટે હોસ્પિટલમાં દાખલ કરવામાં આવ્યો છે.
અમદાવાદના ગોધરાકાંડના નિર્દોષ છુટેલા તોહમતદાર પર હૂમલો
ઉમેશ ભરવાડ નામના વ્યક્તિ પર થયો હુમલો
છરા અને લોખંડની પાઈપ વડે શખ્સોએ કર્યો હુમલો
ગોધરાકાંડમાં તહોમતદાર અને નિર્દોષ છૂટેલા ઉમેશ ભરવાડ નામના વ્યક્તિ પર હુમલો થયો. અમદાવાદના કૃષ્ણનગર વિસ્તારમાં એક્ટિવા પર આવેલા બે શખ્સોએ ઉમેશ ભરવાડ પર છરા અને લોખંડની પાઈપ વડે હુમલો કર્યો હતો.
આ સમગ્ર ઘટના CCTV કેમેરામાં કેદ થઈ. ઘટનામાં ઉમેશ ભરવાડ ગંભીર રીતે ઈજાગ્રસ્ત થયા. ઈજાગ્રસ્ત ઉમેશ ભરવાડને સિવિલ હોસ્પિટલમાં સારવાર માટે ખસેડાયા છે. આ ઘટનાની જાણ થતા પોલીસકર્મીઓ ઘટનાસ્થળે દોડી આવ્યા હતા.. પોલીસે CCTVના આધારે તપાસ હાથધરી છે.