લીલીઝંડી / સશસ્ત્ર દળોના ફરી હાથ મજબૂત કર્યાં કેન્દ્ર સરકારે, 4,276 કરોડના લેટેસ્ટ હથિયારો ખરીદવાની મંજૂરી

• રક્ષામંત્રાલયે લીધો સેના માટે મોટો નિર્ણય
• 4,276 કરોડ રૂપિયાનાં લેટેસ્ટ શસ્ત્રો ખરીદવા આપી મંજૂરી
• હેલિના મિસાઈલ સેનાની આક્રમક ક્ષમતા કરશે મજબૂત

રક્ષામંત્રી રાજનાથસિંહની અધ્યક્ષતામાં મળેલ આ બેઠકમાં અગત્યનો નિર્ણય લેવાયો છે. રક્ષા અધિગ્રહણ પરિષદે મંગળવારે દુશ્મનોનાં વિમાનોને નીચે ખેંચી જવા માટે સ્વદેશી હેલિના એન્ટી-ટેન્ક મિસાઈલ વિકસિત કરવાની પરવાનગી આપી છે અને આ વાયુ રક્ષા પ્રણાલીને વિકસિત કરવા માટે કુલ 4,276 કરોડ રૂપિયાની ત્રણ મૂડી સંપાદનની દરખાસ્તોને મંજૂરી આપી છે.

In push to Make in India, Defence Ministry approves proposals worth Rs 4,276-cr for anti-tank, air defence missile systems

Read @ANI Story | https://t.co/8QYiYfG14B#MakeInIndia #DefenceMinistry #MissileSystems pic.twitter.com/cDiPSRwKDA

— ANI Digital (@ani_digital) January 10, 2023

મિસાઈલ ALHનું એક અગત્યનું શસ્ત્ર
રક્ષામંત્રાલયે આપેલ માહિતી અનુસાર આ ત્રણ પ્રસ્તાવોમાં 2 ભારતીય સેના અને એક ભારતીય નૌકા સેનાની તરફથી છે. DACએ AoNને હેલિના એન્ટી ટેન્ક ગાઈડેડ મિસાઈલ, લોન્ચર અને તેનાં સંબંધિત ઉપકરણોની ખરીદી માટે લીધેલ છે જે એડવાન્સ હેલિકોપ્ટરમાં સંકલિત કરવામાં ઉપયોગમાં લેવાશે. આ મિસાઈલ ALHનું એક અગત્યનું શસ્ત્ર છે. રક્ષામંત્રાલય અનુસાર તેનું ભારતીય સેનામાં શામેલ થવાથી સેનાની આક્રમક ક્ષમતા વધુ મજબૂત બનશે. 

સમુદ્રી ક્ષેત્રમાં પણ સરળતાથી તૈનાત થશે
રક્ષા અનુસંધાન અને વિકાસ સંગઠન DRDO દ્વારા ડિઝાઈન અને વિકાસ અંતર્ગત DACએ VSSHORAD મિસાઈલ પ્રણાલીને ખરીદવા માટે Aon પણ પ્રદાન કરેલ છે. ઉત્તરી સીમાઓ પર હાલની ઘટનાક્રમોને ધ્યાનમાં રાખતાં AD હથિયાર પ્રણાલીઓ પર ધ્યાન આપવાની આવશ્યકતા છે જે માનવ પોર્ટેબલ હોય અને ઉબડ-ખાબડ વિસ્તારો તેમજ સમુદ્રી ક્ષેત્રમાં પણ સરળતાથી તૈનાત થઈ શકે છે. VSHORADની ખરીદી એક મજબૂત અને ઝડપી તૈનાતની પ્રણાલીનાં રૂપમાં વાયુ રક્ષા ક્ષમતાઓને મજબૂત કરશે.