પ્રતિક્રિયા / મોદીની વિદ્યાર્થીઓ સાથે 'પરીક્ષા પે ચર્ચા' મુદ્દે અનુરાગ કશ્યપે સલાહ આપતાં કહ્યું પહેલાં તમે તો અમલ કરો...

• પીએમ મોદીએ વિદ્યાર્થીઓ સાથે પરીક્ષાના મુદ્દે ચર્ચા કરી
• 'પરીક્ષા પે ચર્ચા' અંગે બોલિવૂડ ડિરેક્ટરે સાધ્યું નિશાન
• નરેન્દ્ર મોદીને કહી આ વાત

પ્રધાનમંત્રી નરેન્દ્ર મોદીની 'પરીક્ષા પે ચર્ચા' અંગે પ્રતિક્રિયા આપતાં અનુરાગ કશ્યપે લખ્યું, 'બાળક પર ક્યારેય દબાણ ન કરો અને તેમના પર કોઈ પણ બાબતનો બોજ ન નાખો. પણ તમે જે કહી રહ્યાં છે તેનો અમલ પહેલાં તમારી સરકાર અને પોલીસને કરવાનો કહો. એક ઉદાહરણ સ્વરૂપ બનીને પહેલાં કામ કરો, વાતો નહીં, આભાર'. લોકો અનુરાગ કશ્યપના આ ટ્વિટ પર ઘણી પ્રતિક્રિયા આપી રહ્યાં છે અને સોશિયલ મીડિયા પર તેની ખૂબ ચર્ચા થઈ રહી છે. 

'પરીક્ષા પે ચર્ચા'નો મુખ્ય ઉદ્દેશ વિદ્યાર્થીઓને માહિતગાર કરવાનો હતો

મને જણાવી દઈએ કે પીએમ નરેન્દ્ર મોદી દ્વારા આયોજિત 'પરીક્ષા પે ચર્ચા' પ્રોગ્રામનો મુખ્ય ઉદ્દેશ વિદ્યાર્થીઓને તણાવથી મુક્તિ મળે અને આગામી બોર્ડ અને પ્રવેશ પરીક્ષા અંગે માહિતગાર કરવાનો હતો. દિલ્હીના તાલકટોરા ઈનડોર સ્ટેડિયમ ખાતે યોજાયેલ 'પરીક્ષા પે ચર્ચા'ના ત્રીજા સત્રમાં પીએમ મોદીએ વિદ્યાર્થીઓ અને શિક્ષકો સાથે પરીક્ષાના તાણને દૂર કરવા અંગે વાતચીત કરી હતી. આ પ્રોગ્રામમાં લગભગ 2 હજાર વિદ્યાર્થીઓ, શિક્ષકો અને વાલીઓએ ભાગ લીધો હતો. તેમાંથી 1,050 વિદ્યાર્થીઓની નિબંધ સ્પર્ધા દ્વારા પસંદગી કરવામાં આવી હતી. કાર્યક્રમ સવારે 11 વાગ્યે શરૂ થયો હતો, જેમાં ભાગ લેનારા વિદ્યાર્થીઓની પસંદગી માનવ સંસાધન વિકાસ મંત્રાલયે કરી હતી.