ભજન સમ્રાટ અનૂપ જલોટા અને જસલીન મથારૂની જોડી અલગ અલગ કારણોને કારણે લાઇમલાઇટમાં રહે છે. થોડા સમય પહેલા જ બંનેની તસવીરોએ સોશ્યલ મિડીયા પર હડકંપ મચાવી દીધો હતો. બંને વર કન્યાના રૂપમાં નજર આવ્યા હતા અને હવે ફરીથી બંને લોકો લાઇમ લાઇટમાં છે કારણકે અનૂપ જસલીન માટે રૅપર બની ગયા છે.
અનૂપ અને જસલીન મથારૂનો એક લૂક સોશ્યલ મિડીયા પર વાયરલ થઇ રહ્યો છે. જેમાં અનૂપ રૅપર બન્યા છે અને જસલીન ઘણી જ હોટ દેખાઇ રહી છે. સ્ટાઇલીશ કપડામાં અનૂપ બુઢ્ઢી ઘોડી લાલ લગામ જેવા લાગી રહ્યાં છે.
અનૂપ જલોટાએ ગળામાં બપ્પી દા જેવી ગોલ્ડ જ્વેલરી પહેરી છે. અનૂપના આ ગોલ્ડ લવને જોઇને તેમની તુલના હનિ સિંહ અને બપ્પી લહેરી સાથે કરી રહ્યાં છે. તો બીજી તરફ અનૂપ જલોટા અને જસલીનનો આ લૂક અને અંદાજ જરા પણ પસંદ નથી આવી રહ્યો. આ જ કારણ છે કે જસલીન અને અનૂપ સોશ્યલ મિડીયા પર ટ્રોલિંગનો શિકાર થઇ રહ્યાં છે.
A post shared by Anup Jalota (@anupjalotaonline) on
અનુપ જલોટાએ ત્રણ લગ્ન કર્યા છે, પહેલી પત્નીનું નામ સોનાલી શેઠ છે, બીજી પત્ની બીના ભાટિયા અને ત્રીજી મેઘા ગુજરાલ છે. ત્રણેય સાથે તેમનો સંબંધ ન જામી શક્યો, બાદમાં તેમણે ઇઝરાયલી મોડલ રીના ગોલનને પણ ડેટ કરી હતી. સોશ્યલ મિડીયા પર આ તસવીર જોયા બાદ યુઝર્સ કોમેન્ટ કરી રહ્યા છે, કેટલાક યુઝર્સ તો પુછી રહ્યાં છે કે આ ક્યારે થયું. તો ઘણા યુઝર્સ ફની કમેન્ટ્સ કરી રહ્યાં છે.
તમને જણાવી દઇએ કે, ભજન સમ્રાટ અનુપ જલોટા અને જસલીન મથારૂની જોડી બિગબોસ સિઝન-12માં ખૂબ જામેલી હતી. તે સમયે બંનેની લવ લાઇફ ખૂબ જ ચર્ચામાં હતી. કપલને લઇને ઘણી બધી ખબરો સામે આવતી રહેતી હતી, જેથી લોકોને પણ બંને વચ્ચે શું સંબંધ છે તે જાણવામાં રસ પડ્યો હતો.