Layoffs / ટેક ઈન્ડસ્ટ્રીઝમાં ખળભળાટ: વધુ એક દિગ્ગજ કંપનીએ છટણીની કરી જાહેરાત, 6650 કર્મચારીઓ છૂટા કરાશે

• ટેક ઈન્ડસ્ટ્રીઝમાં ખળભળાટ
• વધુ એક કંપનીએ કરી છટણીની જાહેરાત
• 6650 કર્મચારીઓ છૂટા કરાશે

આઈટી કંપનીઓ પર છટણીનો પડછાયો સૌથી વધારે જોવા મળી રહ્યો છે અને હવે વધુ એક દિગ્ગજ કંપનીમાંથી કર્મચારીઓને પરેશાન કરવાની ખબર સામે આવી છે. એક રિપોર્ટ અનુસાર ડેલ ટેક્નોલોજીના કર્મચારીઓ પર છટણીની તલવાર લટકી રહી છે. 

ડેલ પોતાના કુલ ગ્લોબલ વર્કફોર્સના 5 ટકા ભાગ ઓછો કરવા જઈ રહ્યો છે. રિપોર્ટ અનુસાર ડેલ ટેક્નોલોજીઝ 6650 કર્મચારીઓની છટણી કરવા જઈ રહ્યું છે જે એક ગ્લોબલ વર્કફોર્સનો 5 ટકા ભાગ હશે. 

લેપટોપ બનાવતી પ્રમુખ કંપનીઓમાંથી ડેલ પહેલી કંપની છે. જે આ વર્ષે કર્મચારીઓની છટણી કરશે. બ્લૂમબર્ગના એક રિપોર્ટ અનુસાર, કો-ચીફ ઓપરેટિંગ અધિકારી જેફ ક્લાર્કે કહ્યું કે કંપની બજારની સ્થિતિઓ પર નિર્ભર છે. ભવિષ્યમાં કંપની પોતાના વર્કફોર્સને ઘટાડી શકે છે. 

કંપનીએ 2020માં કરી હતી છટણીની જાહેરાત 
ક્લાર્કે કર્મચારીઓને પોતાની નોટમાં લખ્યું, "અમે પહેલા પણ આર્થિક મંદીનો સામનો કર્યો છે અને અમે મજબૂત બનીને ઉભર્યા છે." જણાવી દઈએ કે આ પહેલા કંપનીએ કોવિડ મહામારી વખતે 2020માં છટણીની જાહેરાત કરી હતી. ત્યાં નવેમ્બરમાં એચપીએ જાહેરાત કરી હતી કે પર્સનલ કોમ્પૂટરોની માંગ ઘટી રહી છે. આ કારણે તે આવતા ત્રણ વર્ષોમાં 6 હજાર લોકોને નોકરીમાંથી કાઢશે. 

આ કંપનીઓએ પણ કરી છટણી 
ડેલ પહેલા  Cisco Systems Inc અને ઈન્ટરનેશનલ બિઝનેસ મશીન્સ કોર્પોરેશને પણ 4,000 કર્મચારીઓને નોકરીમાંથી કાઢવાની જાહેરાત કરી છે. એક રિપોર્ટ અનુસાર, ટેક્નોલોજી સેક્ટરે 2022માં 97,171 નોકરીઓમાં ઘટાડાની જાહેરાત કરી છે. જે 2021ની તુલનામાં 649 ટકા વધારે છે.