પ્રેરણાદાયક / શાકભાજી વેચનારની દીકરી બની જજ, એક સમયે ફોર્મ ભરવાના પણ પૈસા ન હોતા

• શાકભાજી વેચનારની દીકરી બની જજ
• નાનકડા ઓરડામાં રોજ 8 કલાકનો અભ્યાસ કરતી
• સપનું સાકાર કરવા માટે લગ્ન પણ નથી કર્યા

તમે ઘણી વાર એવું સાંભળ્યું કે હશે કોઇ રિક્ષા ચલાવનારની દીકરી કે દિકરો ડૉક્ટર બન્યા હોય અથવા તો પછી IAS બન્યા હોય. ત્યારે સૌ કોઇને પ્રેરણા પૂરી પાડે એવી જ એક સક્સેસ સ્ટોરી સામે આવી છે. જેમાં એક શાકભાજી વેચનારની દીકરી ઈન્દોરમાં સિવિલ જજ બની છે. 25 વર્ષની અંકિતા નાગરે સૌ પહેલાં પોતાની માતાને આ અંગેની ખુશખબર આપી હતી. તમને જણાવી દઇએ કે, માતા શાકભાજી વેચવાનું કામ કરે છે. ત્યારે જ્યારે અંકિતા પરિણામની પ્રિન્ટ આઉટ લઈને પોતાની માતા પાસે ગઇ અને તેને કહ્યું હતું કે – મમ્મી, હું જજ બની ગઈ છું. ત્યારે તેના પરિવારમાં ખુશીનો પાર ન રહ્યો.

Ankita Nagar, daughter of a vegetable vendor in Indore, Madhya Pradesh has cleared the Civil Judge exam. She did most of her studies on a government scholarship. Many congratulations Ankita, you will become an inspiration for many!#BetiBachaoBetiPadhao pic.twitter.com/BB41LFezCa

— Priti Gandhi - प्रीति गांधी (@MrsGandhi) May 5, 2022

અંકિતા નાગર વરસાદનું પાણી ટપકે તેવાં ઘરમાં રહે છે

તમને જણાવી દઇએ કે, હાલના સમયમાં સ્પર્ધાત્મક પરીક્ષાની તૈયારી કરવા માટે લોકો લાખો રૂપિયાનો ખર્ચ કરતા હોય છે. ત્યારે અંકિતા નાગર ખૂબ જ નાના ઘરમાં રહીને પરીક્ષાની તૈયારી કરતી હતી. અંકિતા નાગર વરસાદનું પાણી ટપકે તેવાં ઘરમાં રહે છે.

અંકિતા નાગરે જણાવ્યું કે, પરિણામ એક અઠવાડિયા પહેલાં જાહેર થયું હતું, પરંતુ પરિવારમાં મૃત્યુના કારણે બધા ઈન્દોરની બહાર હતા. ઘરમાં અંધકારમય વાતાવરણ હતું. જેથી હું તેના વિશે કોઈને કંઇ પણ કહી શકી નહીં.

તમને જણાવી દઇએ કે, અંકિતા નાગરે સિવિલ જજની પરીક્ષામાં તેના SC ક્વોટામાં 5મો રેન્ક મેળવ્યો છે. અંકિતાએ જણાવ્યું કે, પરિવારના તમામ સભ્યો શાકભાજી વેચવાનું કામ કરે છે. પપ્પા સવારના 5 વાગે ઉઠીને જ કામમાં લાગી જાય છે. મમ્મી સવારના 8 વાગ્યે જમવાનું બનાવીને પપ્પાની જોડે શાકની ગાડીમાં ચાલી જાય છે, પછી બંને સાથે શાકભાજી વેચવા જાય છે. જ્યારે મોટો ભાઈ આકાશ રેતી બજારમાં મજૂરી કામ કરે છે. નાની બહેનના લગ્ન થઇ ચૂક્યાં છે.

શાકભાજીવાળાની દીકરી બની જજ#MadhyaPradesh #VTVcard pic.twitter.com/dOY3hpTjHX

— VTV Gujarati News and Beyond (@VtvGujarati) May 6, 2022

અંકિતા નાનકડા ઓરડામાં રોજ 8 કલાકનો અભ્યાસ કરતી

અંકિતાએ જણાવ્યું કે, તે દરરોજ 8 કલાક અભ્યાસ માટે ફાળવતી. સાંજેના જ્યારે શાકભાજીની ગાડીમાં ભીડ થઈ જતી ત્યારે તે શાકભાજી વેચવા ચાલી જતી. તેઓ રાત્રે 10 વાગે દુકાન બંધ કરીને ઘરે આવતા ત્યાર બાદ પણ તે રાતના 11 વાગ્યાથી ભણવા બેસી જતી.

અંકિતાએ સૌ પહેલાં મમ્મીને ખુશખબરી સંભળાવી

અંકિતાએ કહ્યું કે, હું ત્રણ વર્ષથી સિવિલ જજની તૈયારી કરી રહી છું. 2017માં તેણે વૈષ્ણવ કોલેજ, ઈન્દોરમાંથી LLB કર્યું હતું. ત્યાર બાદ 2021માં LLMની પરીક્ષા તેને પાસ કરી. પિતા કોલેજની ફી ભરવા માટે લોન લેતા હતા. કોલેજ બાદ તે સતત સિવિલ જજની તૈયારીમાં વ્યસ્ત રહેતી હતી. તે બે વખત સિલેક્ટ ન થયા બાદ પણ તેના વાલી તેને પ્રોત્સાહિત કરતા રહ્યાં. આ જ કારણ છે કે, આજે જેવું તેના હાથમાં પરિણામ આવ્યું કે તુરંત તે હરખના મારે સૌ પહેલાં પોતાની માતાને ખુશખબરી આપવા ગઇ.

એક સમયે ફોર્મ ભરવા માટેના પણ પૈસા ન હોતા

અંકિતાના માતા-પિતા શાકભાજી વેચીને ઇન્દોર જેવાં શહેરમાં પોતાના પરિવારનું ગુજરાન ચલાવતા. તેઓને ત્રણ બાળકો છે. જેમાં મોટા પુત્ર અને નાની દીકરીના લગ્ન થઇ ગયા છે. સિવિલ જજ બની અંકિતાએ જણાવ્યું કે, એક સમયે અમારી પાસે ફોર્મ ભરવાના 800 રૂપિયા પણ ન હોતા. માત્ર 500 રૂપિયા જ હતાં. પરંતુ દિવસભર શાકભાજી વેચીને માતાએ 300 રૂપિયા ભેગાં કરીને પોતાનું ફોર્મ ભર્યું હતું.

સપનું સાકાર કરવા માટે લગ્ન પણ નથી કર્યા

અંકિતા શરૂઆતથી જ જજ બનવા ઇચ્છતી હતી. આથી તેને લગ્ન પણ નથી કર્યા. ભારતીય સમાજમાં ખરેખર એવી પરંપરા છે કે ઘરમાં મોટાના લગ્ન હંમેશા પહેલાં થાય છે. જો કે, તેમાં પણ અંકિતાના માતા-પિતાએ ભરપૂર સાથ આપ્યો હતો.