SHORT & SIMPLE / 'સાહેબ, મારાથી ભૂલ થઈ ગઈ...', દારૂ પીધેલી હાલતમાં ઝડપાયો AMTSનો ડ્રાઈવર, રડમસ આંખો સાથે માંગી માફી

• AMTS બસનો ડ્રાઈવર નશાની હાલતમાં ઝડપાયો
• મણિનગરથી ઝડપાયો ડ્રાઈવર
• જાગૃત નાગરિકે વીડિયો વાયરલ કર્યો

 એક તરફ રાજ્યનું પોલીસ વિભાગ રાજ્યમાં દારૂબંધીનો કડક અમલ થતો હોવાના નિવેદનો આપે છે, તો બીજી તરફ રાજ્યમાં અવાર-નવાર દારૂ અને દારૂનો નશો કરનારા વ્યક્તિઓ સામે આવે છે, ત્યારે અમદાવાદમાં AMTS બસનો ડ્રાઈવર નશાની હાલતમાં ઝડપાયો છે. મણિનગર AMTS સ્ટેન્ડથી નરેશ નામનો ડ્રાઈવર નશાની હાલતમાં ઝડપાયો છે. એક જાગૃત નાગરિકે નશામાં ધૂત આ ડ્રાઈવરનો વીડિયો બનાવીને વાયરલ કર્યો છે. જેમાં ડ્રાઈવરે નશો કર્યો હોવાની વાતનો સ્વીકાર કર્યો છે.

અમદાવાદમાં AMTS બસનો ડ્રાઇવર ચાલુ નોકરીએ દારૂ પીધેલી હાલતમાં ઝડપાયો છે. અગાઉ પણ ડ્રાઈવરો ચાલુ નોકરીએ દારૂ પીધેલા હોવાના કિસ્સા બન્યા છતાં ડ્રાઈવરો દારૂ પી બસ ચલાવે છે. અને લોકોના જીવને જોખમમાં મુકે છે.