બોલીવૂડ શહેનશાહ અમિતાભ બચ્ચનનો આજે 79મો જન્મદિવસ છે. આ અવસરે તેમના શુભેચ્છકો તેમને સોશ્યલ મીડિયા પર વિશ કરી રહ્યા છે.
અમિતાભનો આજે જન્મદિવસ
ટ્વિટર પર પોતાની ઉંમરને શૅર કરી
ચોકલેટ અને પેસ્ટ્રી ક્યારેય ખાતા નથી
તેમજ તેમના ફેન્સ પણ ઘરની બહાર એકત્ર થયા છે. આ દરમિયાન તેમણે પોતાની તસવીર સોશ્યલ મીડિયા પર પોસ્ટ કરી છે અને આ પોસ્ટમાં પોતાની ઉંમરનો ઉલ્લેખ કર્યો છે. ખભા પર સ્લિંગ બેગ સાથે આ તસવીરમાં તેઓ ચાલતા જોઇ શકાય છે. ફોટોમાં અમિતાભ બચ્ચન લાઇટ ગ્રે જેકેટ અને ડાર્ક ગ્રે ટ્રાઉઝર પહેરેલા જોવા મળી રહ્યા છે તેમણે આ તસવીરને 79 વર્ષ બાદ આવતા વર્ષે 80માં વર્ષ સાથે જોડતાં લખ્યું છે કે, 80 તરફ આગળ વધતાં...
T 4057 - .. walking into the 80th ..
जब साठा (60 ) तब पाठा
जब अस्सी (80) तब लस्सी !!! 🤣🤣🤣
અમિતાભે ટ્વિટર પર પણ તેને શેર કરીને પોતાની વધતી ઉંમરને ખાસ અંદાજમાં રજૂ કરી છે. તેઓ લખે છે કે 'જબ સાઠા (૬૦) તબ પાઠા, જબ અસ્સી (૮૦) તબ લસ્સી... ' આ રૂઢિપ્રયોગના માધ્યમથી અમિતાભે પોતાની વૃદ્ધાવસ્થાને નકારી છે. હવે 79ના વર્ષમાં મહાનાયકની સક્રિયતા તેમની કેપ્શનને પણ યોગ્ય ઠેરવે છે. અમિતાભ બચ્ચનની આ પોસ્ટને ઘણી બધી શુભેચ્છાઓ મળી છે. અમિતાભની પૌત્રી નવ્યા નવેલી, ભૂમિ પેડનેકર અને રણવીરસિંહ સહિત ઘણા લોકોએ અમિતાભ બચ્ચનની પોસ્ટ પર કોમેન્ટ કરી છે. રણવીરસિંહે 'ગેંગસ્ટર' ટિપ્પણી કરી છે.
ભૂમિ પેડનેકરે પણ બિગ બીને શુભેચ્છા પાઠવી છે અને લખ્યું છે, જન્મદિવસની શુભેચ્છાઓ સર.આજે પણ ફિલ્મોમાં કે જાહેરાતોમાં અમિતાભ બચ્ચન કામ કરી રહ્યા છે, અમિતાભ બચ્ચનની ફિટનેસનું રહસ્ય છે કે તેઓ પોતાની હેલ્થને લઈ ગંભીર છે. અમિતાભ બચ્ચન હેલ્થનું સંપૂર્ણ ધ્યાન રાખે છે. અમિતાભ બચ્ચન ન માત્ર કસરત કરે છે પરંતુ ડાયટિંગનું સંપૂર્ણ ધ્યાન રાખે છે.
અમિતાભ બચ્ચને તેમના એક ઇન્ટરવ્યૂમાં જણાવ્યું હતું કે તેઓ ચોકલેટ અને પેસ્ટ્રી ખાવાનું ટાળતા હોય છે. તેઓ ચોકલેટ અને પેસ્ટ્રી બિલકુલ ખાતા નથી. આ વસ્તુઓમાં ઘણી ચરબી અને કેલરી હોય છે. તેમાં ઘણા ફ્લેવર્સનો પણ ઉપયોગ કરવામાં આવે છે, જે સ્વાસ્થ્ય માટે બિલકુલ સારાં નથી. તેઓ ફિટનેસને લઈ ખૂબ એક્ટિવ છે. તેઓ દરરોજ વર્કઆઉટ કરે છે.