કોલકાતા નાઇટ રાઇડર્સે 29 વર્ષના ફાસ્ટ બૉલર અલી ખાનને હેરી ગર્નીના સ્થાને રિપ્લેસ કર્યો છે. ઇન્ગલેંડના ગર્નીને ઇજા થવાને કારણે તે આઇપીએલથી બહાર થઇ ગયા છે. જેના કારણે જ તે છેલ્લી મૅચ નહોતા રમ્યા. આ સાથે જ અલી ખાન IPLમાં ભાગ લેનારા પહેલા ખેલાડી બની ગયા છે.
અલીએ સીપીએલ 2020માં ત્રિનબાગો નાઇટ રાઇડર્સનુ પ્રતિનિધિત્વ કર્યુ હતુ. તમને જણાવી દઇએ કે, કેરેબિયન પ્રિમીયર લીગનો ખિતાબ જીતવાવાળી ટીકેઆર અને કેકેઆરની માલિક કંપની એક જ છે. શાહરૂખ ખાન જ બંને કંપનીના માલિક છે.
ત્રિનબાગોએ સીપીએલમાં 12 મૅચ જીતીને આ ખિતાબ જીત્યો હતો. શાહરૂખે તસવીરો પોસ્ટ કરીને પોતાની ટીમ જીતી તેના પર ખુશી વ્યક્ત કરી હતી. બ્રાવોએ પણ કેપ્શન લખ્યુ હતુ કે નેક્સ્ટ સ્ટોપ દુબઇ.
ખાન સીપીએલના સર્વશ્રેષ્ઠ ફાસ્ટ બૉલરમાંથી એક છે. ગયા 3 વર્ષમાં તેમણે દુનિયાભરની ક્રિકેટ લીગમાં ભાગ લીધો અને રમ્યા છે. તેમણે 8 મૅચમાં 7.43 ઇકોનોમીથી આઠ વિકેટ લીધી હતી.
ખાનની ખાસિયત તેની સ્પીડ છે. તે 140 કિલોમીટરની રફ્તારથી બૉલિંગ કરી શકે છે. તે છેલ્લી ઓવરમાં જ બૉલિંગ કરે છે. ખાનની યોર્કરને ઘણુ સારુ માનવામાં આવે છે. મહત્વની વાત તે છે કે રાજસ્થાન રોયલ્સના પૂર્વ બોલર રસ્ટી થેરોન, જે હવે અમેરિકા માટે રમે છે તે 2011માં બંધ થઇ ચૂકેલી ડેક્કન ચાર્જર્સ અને 2010માં કિંગ્ઝ ઇલેવન પંજાબ માટે રમ્યા છે.
અલીની વાત કરીએ તો તેમને બ્રાવો આઇપીએલમાં લઇને આવ્યા છે. બ્રાવો સાથે તેમની મુલાકાત ગ્લોબલ ટી20 કેનેડામાં થઇ હતી. અલી બાંગ્લાદેશ પ્રિમીયર લિગ અને પાકિસ્તાન સુપર લિગમાં પણ રમી ચૂક્યા છે. પાકિસ્તાની પંજાબના એટકમાં પેદા થયેલા અલી 18 વર્ષની ઉંમરથી માતા-પિતા સાથે અમેરિકા રહેવા જતા રહ્યાં હતા.