બિહારના મોકામા ક્ષેત્રથી અપક્ષ ધારાસભ્ય અનંત સિંહ (Anant Singh)ના ઘરેથી પોલીસને શુક્રવારે એક AK-47 રાઇફલ મળી છે. આ ઉપરાંત ઘણો પ્રતિબંધિત સામાન મળી આવ્યો છે.
પટના પોલીસ અધીક્ષક (ગ્રામીણ) કાંતેશ કુમાર મિશ્રએ કહ્યું કે, ' ગુપ્ત સૂચનાના આધારે મેજિસ્ટ્રેટની ઉપસ્થિતિમાં મોકામોના ધારાસભ્ય અનંત સિંહ (Anant Singh)ના પૈતૃક ગામ લદમામાં તેમના આવાસ પર રેડ પાડવામાં આવી.
રેડ પાડવા દરમિયાન એક એકે-47 તથા ઘણો આપત્તિજનક સામાન મળી આવ્યો છે. પોલીસ હજુ પણ તપાસ અભિયાન ચલાવી રહી છે. પોલીસ સૂત્રો અનુસાર, ધારાસભ્યના ઘરેથી બોમ્બ પણ પકડાયા છે. ત્યારબાદ પોલીસે પટનાથી બોમ્બ સ્ક્વોડની ટીમ બોલાવી છે, જે સ્થળ પર પહોંચી ગઇ છે.
Bihar: AK-47 rifle recovered from the residence of Independent MLA from Mokama, Anant Kumar Singh, in a raid by Police. Further investigation underway pic.twitter.com/53O0zvBDM0
આ દરમિયાન, ધારાસભ્યે મુંગેરના સાંસદ લલન સિંહ પર આરોપ લગાવ્યો છે કે તેમના ઇશારે જ સરકાર કાર્યવાહી કરી છે. અનંત સિંહની પત્ની નીલમ દેવી મુંગેરથી લોકસભા ચૂંટણી લડી હતી. પરંતુ તેમને હારનો સામનો કરવો પડ્યો હતો. અનંત સિંહની ઓળખ બાહુબલીની રહી છે.