એરટેલ તેના આકર્ષક પ્રીપેડ પ્લાન્સથી રિલાયન્સ જિયો અને વોડાફોનને સતત ટક્કર આપી રહ્યું છે. એરટેલ યુઝર્સને અનલિમિટેડ કોલિંગની સાથે કેટલાક એવા બેનિફિટ્સ આપી રહ્યું છે, જે જિયો અને વોડાફોન ઓફર નથી કરી રહ્યાં. આવા જ બેનિફિટ્સમાંથી એક છે લાઈફ ઈન્શ્યોરન્સ. એરટેલ બે એવા પ્રીપેડ પ્લાન ઓફર કરે છે જેમાં યુઝર્સને 4 લાખ રૂપિયા સુધીનું લાઈફ ઈન્શ્યોરન્સ મળે છે. સાથે જ એરટેલનો વધુ એક પ્લાન છે, જે 350 રૂપિયાથી ઓછી કિંમતનો હોવા છતાં 129 રૂપિયાનો એમેઝોન પ્રાઈમ સબસ્ક્રિપ્શન આપી રહ્યું છે. ચાલો જાણીએ ડીટેલ.
એરટેલ આપી રહ્યું છે વોડાફોન અને જિયોને ટક્કર
જિયો-વોડાફોન પાસે નથી એરટેલ જેવી ઓફર
લાઈફ ઈન્શ્યોરન્સ ઓફર કરે છે એરટેલ
એરટેલનો 179 રૂપિયાનો પ્લાન
આ પ્લાનની વેલિડિટી 28 દિવસની છે. પ્લાનમાં 300 ફ્રી એસએમએસની સાથે 28 દિવસ માટે 2 જીબી ડેટા અને કોઈપણ નેટવર્ક પર અનલિમિટેડ કોલિંગ પણ મળી રહે છે. આ પ્લાનની ખાસ વાત એ છે કે, આમાં યુઝર્સને ભારતી AXA લાઈફની તરફથી 2 લાખ રૂપિયાનું લાઈફ ઈન્શ્યોરન્સ ઓફર કરવામાં આવે છે. આ પ્લાનના બેનિફિટ્સની વાત કરીએ તો આમાં એરટેલ એક્સટ્રીમ એપ અને વિંક મ્યુઝિકનું ફ્રી સબસ્ક્રિપ્શન મળે છે.
એરટેલનો 279 રૂપિયાનો પ્લાન
આ પ્લાનની વેલિડિટી 28 દિવસની છે. પ્લાનમાં રોજ 100 ફ્રી એસએમએસની સાથે રોજ 1.5 જીબી ડેટા અને કોઈપણ નેટવર્ક પર અનલિમિટેડ કોલિંગ પણ મળી રહે છે. આ પ્લાનની ખાસ વાત એ છે કે, આમાં એચડીએફસી લાઈફ તરફથી યુઝર્સને 4 લાખ રૂપિયાનું લાઈફ ઈન્શ્યોરન્સ ઓફર કરવામાં આવે છે. આ પ્લાનના બેનિફિટ્સની વાત કરીએ તો આમાં એરટેલ એક્સટ્રીમ એપ અને વિંક મ્યુઝિકનું ફ્રી સબસ્ક્રિપ્શનની સાથે હેલોટ્યૂન્સ અને ફાસ્ટેગની ફરીદી પર 150 રૂપિયાનું ડિસ્કાઉન્ટ મળે છે.
એરટેલનો 349 રૂપિયાનો પ્લાન
એરટેલના આ પ્લાનમાં લાઈફ ઈન્શ્યોરન્સની જગ્યાએ 28 દિવસ માટે એમેઝોન પ્રાઈમનું સબસ્ક્રિપ્શન મળે છે. જેની કિંમત 129 રૂપિયા છે. પ્લાનમાં રોજ 100 ફ્રી એસએમએસ અને 2 જીબી ડેટા મળે છે. 28 દિવસની વેલિડિટી સાથે કોઈપણ નેટવર્ક પર અનલિમિટેડ કોલિંગ મળે છે.
રિલાયન્સ જિયો અને વોડાફોન પાસે નથી આવા પ્લાન
વોડાફોન તેના યુઝર્સને આવો કોઈ જ પ્લાન ઓફર કરતો નથી. જોકે, કંપની દરેક અનલિમિટેડ કોમ્બો પ્લાનની સાથે યુઝર્સને જી5 અને વોડાફોન પ્લેનું ફ્રી સબસ્ક્રીપ્શન આપે છે. વાત કરીએ રિલાયન્સ જિયોની તો આમાં પણ એરટેલ જેવી કોઈ ઓફર મળતી નથી. આ સાથે રિલાયન્સ જિયો યુઝર્સને અન્ય નેટવર્ક પર કોલિંગ ાટે અનલિમિટેડ કોલિંગ પણ આપતું નથી.