ઝેર તો પીધા જાણી જાણી / અમદાવાદીઓ તમે જે પાણી પીવો તે અશુદ્ધ તો નથીને, સેમ્પલના રિપોર્ટ હચમચાવી દેનારા

• અમદાવાદના 6-7 વિસ્તારનાં પાણીના નમૂના 
• પૂર્વ વિસ્તારના પાણીના સેમ્પલ નીકળ્યા ફેલ 
• પાલડી, ખાડીયા, લાંભા-વિરાટનગરની સમસ્યા 

શિયાળો પૂર્ણ થતા જ હવે ઉનાળાની કાળઝાળ ગરમી અનુભવાવા આડે માત્ર હવે એક સપ્તાહ  જેટલો જ સમય રહ્યો છે ત્યારે માત્ર મદાવાદ જ નહિ પરંતુ રાજકોટ, સુરેન્દ્રનગર અને અમરેલી જેવા પંથકમાં પાણી..પાણીના પોકાર પડશે. આ વચ્ચે અમદાવાદ માટે ચિંતાના સમાચાર એ છે કે AMCના પીવાના પાણીના સેમ્પલ થયા ફેલ થયા છે. અમદાવાદ મહાનગર પાલિકાએ ચાલુ વર્ષે લીધેલ સેમ્પલ 15 જેટલા નમુના ફેલ થયેલા મળ્યા છે. મહા પાલિકાએ 2279 સેમ્પલ લીધા હતા. જેમાં 2019માં 21665 પાણીના સેમ્પલ પૈકી 1060 સેમ્પલ ફેલ નીવડ્યા,તો 2020માં 15169 સેમ્પલો લીધા જેમા 226 સેમ્પલ ફેલ સાબિત થયા છે. 2021માં 12337 સેમ્પલ લીધા જેમાં 185 સેમ્પલ ફેલ થયા હતા. આ તમામ સેમ્પલ્સ સાબરમતી,લાંભા વિરાટનગર પાલડી, ખાડિયા અમરાઇવા઼ડી શાહીબાગ સહિતના વિસ્તારોમાંથી લેવામા આવ્યા હતા. 

અમદાવાદના પૂર્વ અને કેટલાક પોશ વિસ્તારોમાં પાણીના નમૂના ફેલ નીવડતા હવે એક મોટી ચિંતા પેઠી છે. આ જે વિસ્તારમાં નાગરીકો રહે છે.તે વિસ્તારનું પાણી ખરેખર પીવા લાયક છે ? તેવો સવાલ આ તમામ વિસ્તારમાં રહેતા લોકોને મૂંઝવી રહ્યો છે.