ખુશીના સમાચાર / અમદાવાદમાં જેની રાહ જોવાઇ રહી હતી તેની રિવરફ્રંટ પર આજથી શરુઆત

• . અમદાવાદમાં રિવરફ્રંટ ખાતે આજથી શરૂ થશે વોટર રાઈડ
• કિડ્સ બોટ, જેટસ્કી, રિવર ક્રૂઝ શરૂ કરાશે
• બેચ લાઈનર, હાઈસ્પીડ બોટ, એક્વા સાયકલ પણ શરૂ થશે

અમદાવાદ રિવરફ્રંટ પર તંત્ર દ્વારા કોરોનાકાળ દરમિયાન નવા વર્ષમાં વોટર રાઇડસ શરુ કરવાનું નક્કી કર્યું છે. જેમાં રિવરફ્રંટ ખાતે આજથી વોટર રાઇડ સાથે કિડસ બોટનો આનંદ માણી શકશો. 

 

આ સાથે રિવરફ્રંટ પર બેચ લાઇનર, હાઇસ્પીડ બોટ, એક્વા સાયકલ પણ શરુ થશે. જેની ટિકિટની કિંમત 45 રુપિયાથી લઇને 350 રુપિયા સુધી રહેશે. તંત્ર દ્વારા ક્રિકેટ પીચ અને વોલીબોલ તેમજ બાસ્કેટબોલ કોર્ટ પણ શરુ કરવામાં આવશે. 
 

આમ શહેરમાં નવા વર્ષથી રિવરફ્રંટ ખાતે આજથી વોટર રાઈડ સહિત કિડ્સ બોટ, જેટસ્કી, રિવર ક્રૂઝ શરૂ કરાશે. બેચ લાઈનર, હાઈસ્પીડ બોટ, એક્વા સાયકલ પણ ફરી શરૂ થશે. 

આમ હાલ જ્યારે શહેરમાં કોરોનાકાળમાં રિવરફ્રંટ પર વોટર રાઇડનો પ્રારંભ થઇ રહ્યો છે ત્યારે ફરી સાબરમતી રિવરફ્રંટ લોકોની  ભીડથી ધમધમશે. ત્યારે સવાલ એ થાય છે કે એક તરફ તંત્ર કોરોનાના મહામારી સામે લડવા કોરોના ગાઇડલાઇન્સનું પાલન કરવા જણાવી રહી છે ત્યારે આ રાઇડ્સ શરુ કરવામાં આવી રહી છે. 

હાલમાં રિવરફ્રંટ પર આ વોટર રાઇડ્સની શરુઆત કરવામાં આવતા સાબરમતી રિવરફ્રંટ પર નાના બાળકો સાથે વાલીઓ આવશે. રિવરફ્રંટ પર વોલીબોલ, ક્રિકેટ પીચ, બાસ્કેટ બોલ કોર્ટની પણ શરુઆત કરાઇ રહી છે.

ઉલ્લેખનીય છે કે નવા વર્ષમાં આજથી રાજ્યના 4 મહાનગરોમાં રાત્રિ કર્ફ્યુંમાં પણ આશિંક છૂટછાટ આપવામાં આવી છે. જેમાં હવે રાત્રે 10 વાગ્યાથી સવારના 6 વાગ્ય સુધી રાત્રી કર્ફ્યું રહેશે. આમ રાજ્યના અમદાવાદ, રાજકોટ, વડોદરા, સુરતમાં રાત્રિ કર્ફ્યુંમાં થોડી રાહત મળી છે. આ રાત્રિ કર્ફ્યું 14 જાન્યુઆરી સુધી અમલમાં રહેશે.