ગુજરાતી અને ખાસ કરીને અમદાવાદીઓ ભારતમાં જ નહીં પરંતુ વિશ્વના કોઇપણ ખૂણે જાય પરંતુ ખાણી-પાણી મામલે ખૂબ જ ઉત્સુક હોય છે. વેપાર ગુજરાતીઓની નસમાં વહે છે તેમ ખાણી-પાણીનો ચસ્કો ગુજરાતીઓની જીભે વસેલો છે.
અમદાવાદને આંગણે યોજાયો ફૂડ ફેસ્ટિવલ
દેશભરમાંથી 30 વાનગીઓની કરાઇ રજુઆત
તમામ વાનગીઓના ભાવ 100 રૂપિયાની અંદર
ઉલ્લેખનીય છે કે, અમદાવાદમાં અનેક વખત ફૂડ ફેસ્ટિવલના આયોજન થતાં રહે છે પરંતુ સિંધુભવન રોડ પર Ahmedabad Mirror Green Dot Festival નામથી એક ખાસ ફૂડ ફેસ્ટિવલ શરૂ થયો છે.
ક્રિષ્ના ફાર્મ ખાતે કરાયું આયોજન
શહેરના સિંધુભવન રોડ પર આવેલ ક્રિષ્ના ફાર્મ ખાતે અમદાવાદ મીરર ગ્રીન ડોટ ફેસ્ટિવલનું આયોજન 24,25,26 જાન્યુઆરી એમ ત્રણ દિવસ કરવામાં આવ્યું છે. આ ફૂડ ફેસ્ટિવલની ખાસિયત છે કે, અહીં ભારતના ખૂણે-ખૂણેથી 30 વાનગીઓની પસંદગી કરીને રજૂ કરવામાં આવી છે. એટલે કે, ગુજરાતમાં દેશભરની 30 વાનગીઓનો કુંભ યોજાયો હોય તેવી અનુભૂતિ કરી શકાય છે.
તમામ વાનગીના ભાવ 100 રૂપિયાની અંદર
ગ્રીન ડોટ ફેસ્ટિવલમાં 70 રૂપિયાની પ્રવેશ ફી રાખવામાં આવી છે. જો કે, આ ફેસ્ટિવલમાં મળતી વાનગીનો આસ્વાદ મા'ણવા માટે મોંઘા મૂલ ચૂકવવાના નથી. પરંતુ અહીં મળતી તમામ વાનગી 100 રૂપિયાની મર્યાદામાં મળી રહે છે. આ ફેસ્ટિવલમાં 8 વર્ષ સુધીના બાળકોને એકદમ મફતમાં પ્રવેશ આપવામાં આવે છે.
30 પ્રકારની વાનગીઓનો ખજાનો
ગ્રીન ડોટ ફૂડ ફેસ્ટિવલમાં દેશના વિવિધ પ્રદેશમાંથી બનતી વાનગીઓ પૈકી 30 ખાસ વાગનીઓનું સિલેક્શન કરીને અમદાવાદીઓ માટે મુકવામાં આવી છે. જેમાં સિક્કિમના મોમોઝ, મુઘલાઇ બમ બિરીયાની, પશ્ચિમ બંગાળની વાનગી આલૂ પોસ્તો (આલૂ ખૂશ ખૂશ), લુચી (ગુજરાતમાં આ વાનગી લોચા પુરી તરીકે ઓળખાય), ગોબી રોસ્ટ, વેજ ચોપ. મેક્સિકન ટાકોના અંદાજમાં છોલે પુરી, પનીર ભુરજીનું બર્ગર જેવી 30 વાનગીઓ આ ફૂડ ફેસ્ટિવલમાં મા'ણવા મળશે.