અમદાવાદ / દેશમાં બર્ડ હિટના દરમાં અમદાવાદ એરપોર્ટ મોખરે, 2 પક્ષી અભ્યારણ્યને લઈને ખતરો

અમદાવાદ એરપોર્ટ પર 5 મહિનામાં 15થી વધુ બર્ડ હિટની ઘટનાઓ સામે આવી છે. જાન્યુઆરીથી જુલાઈ મહિના સુધીમાં 15થી વધુ બર્ડ હિટની ઘટનાઓ બની છે. દિલ્લી એરપોર્ટ કરતા અમદાવાદ એરપોર્ટ પર બર્ડ હિટની ઘટનામાં 5 ગણી વધુ શક્યતાઓ છે. દિલ્લી એરપોર્ટ પર 15 હજાર ઉડાનોમાં 1 બર્ડ હિટની ઘટના છે.

જ્યારે અમદાવાદ એરપોર્ટ પર 3600 ઉડાનોમાં એક બર્ડ હિટ થવાની ઘટના સામે આવે છે. ફ્લાઈટના પાયલોટના મત મુજબ અમદાવાદ એરપોર્ટ પાસે પક્ષી અભ્યારણ્યને કારણે બર્ડ હિટની ઘટનાઓમાં વધારો થઈ રહ્યો છે. અમદાવાદ એરપોર્ટના 30થી 60 કિલોમીટર સુધીના વિસ્તારમાં 2 પક્ષી અભ્યારણ્ય આવેલા છે. અભ્યારણ્યના કારણે બર્ડ હિટને વધુ ખતરો છે.