દાણચોરી / અમદાવાદ ઍરપોર્ટ પર 7 કરોડનું સોનું ઝડપાયું, મોડસ ઑપરેન્ડીથી અધિકારીઓ ચોંકી ઊઠ્યા

સોનાની દાણચોરીની મોડસ ઓપરેન્ડી જોઇ કસ્ટમના અધિકારીઓ પણ ચોંકી ઊઠ્યા હતા. એરપોર્ટ પર આ રીતે મોટા પાયે સોનાની દાણચોરી કરવામાં આવી હોવાનું પણ મનાઇ રહ્યું છે. હાલમાં તપાસ ચાલુ હોઈ કસ્ટમ વિભાગે પેસેન્જરનું નામ જાહેર કરવાનો ઈનકાર કર્યો હતો.

અત્યંત આધારભૂત સૂત્રો દ્વારા મળેલી માહિતી મુજબ દુબઇથી વહેલી સવારે આવેલી ફલાઇટમાંથી એક બોક્સ સાથે પેસેન્જર ઊતર્યો હતો, જોકે તે કાર્ગોની ટ્રોલી રાખવામાં આવે છે ત્યાં ગયો હતો અને તેણે એરકાર્ગોના સામાનનું હેન્ડ‌િલંગ કરતા એક કર્મચારીને તે બોક્સ આપી દીધું હતું.

તે જ વખતે કસ્ટમના એર ઇન્ટે‌િલજન્સના સ્ટાફે પેસેન્જર અને એરકાર્ગોના કર્મચારીને ઝડપી લીધા હતા. એરપોર્ટ પર આ રીતે સોનાનો જથ્થો સગેવગે કરવાનો કોઇ પેસેન્જરે પ્રયાસ કર્યો હોવાનો આ પહેલો બનાવ છે, જોકે આ જ મોડસ ઓપરેન્ડીથી અગાઉ સોનાની દાણચોરી મોટા પાયે થઇ હોવાની પણ શંકા સેવાઇ રહી છે. 

અત્રે ઉલ્લેખનીય છે કે અખાતી દેશો અને ખાસ કરીને દુબઇથી સોનાની દાણચોરી થઇ રહી છે. અમદાવાદ એરપોર્ટ પર અવારનવાર પેસેન્જર અવનવી ટેકનિકથી સોનું લઇને આવતા ઝડપાય છે. તાજેતરમાં ઇ‌િન્ડગોની ફલાઇટમાં આવેલા ત્રણ પેસેન્જરને ર.૯ કિલો સોના સાથે ઝડપી લીધા હતા. તેમણે સોનાને શૂઝના ઇનર સોલના આકારમાં ઢાળીને શૂઝમાં મૂકી  શૂઝ પહેર્યા હતા, જોકે કસ્ટમના અધિકારીઓને તેમની ચાલ પરથી શંકા જતાં તેઓ ઝડપાઇ ગયા હતા. અત્રે ઉલ્લેખનીય છે કે દુબઇમાં સોનાનો ભાવ રૂ. ર૭૦૦૦ જેટલો છે, જ્યારે ભારતમાં ભાવ રૂ.૩૩૦૦૦ની આસપાસ છે. ભારતમાં આયાતી સોના પર દસ ટકા ડ્યૂટી ઉપરાંત વેટ લાગે છે, જેના કારણે સોનાની દાણચોરી વધી રહી છે.

ઉલ્લેખનીય છે કે અમદાવાદ ઇન્ટરનેશનલ એરપોર્ટ પર અલગ અલગ મોડસ ઓપરેન્ડીથી પ્રવાસીઓ સોનાની દાણચોરી કરે છે. ગત મહિને એરપોર્ટ પર ૧૯ કેસ સોનાની દાણચોરીના થયા છે. જેમાં રૂ.૩.૭પ કરોડનું સોનું જપ્ત કરાયું છે. મહંમદ પરવેશ નામનો પ્રવાસી એરપોર્ટ પર એવિયેશનમાં લોડર તરીકે કામ કરતા અરુણ અને શાહિદ ગવળી સાથે સંપર્કમાં હતો. તેે માર્ચ મહિનામાં ઇન્ડિગોની ફલાઇટમાં બે કિલો સોનું લઇને અમદાવાદ આવ્યો હતો. 

એરપોર્ટના એપ્રોન એરિયામાં અરુણ અને શાહિદ પ્રવાસી મહંમદ પરવેશ સાથે વાત કરતા હતા ત્યારે સીઆઇએસએફના જવાનને તેમના પર શંકા ગઇ હતી. જવાને મહંમદ પરવેશની તલાસી લેતાં તેની પાસેથી બે કિલો સોનું મળી આવ્યું હતું.

અવારનવાર ઇન્ટરનેશનલ એરપોર્ટ પર સોનાની દાણચોરી થતી હોવાના અનેક કિસ્સાઓ સામે આવ્યા છે જેમાં એરપોર્ટમાં કામ કરતા લોડર તેમજ અન્ય કર્મચારીઓની પણ સંડોવણી હોવાનું તપાસમાં ખૂલ્યું છે. સેન્ટ્રલ એજન્સીઓ તેમજ સ્ટેટની એજન્સીઓ અવારનવાર એરપોર્ટ પર થતી સોના તથા અન્ય ચીજોની દાણચોરી રોકવામાં સફળ થાય છે. તેમ છતાં હજુ કેટલાક લોકો બિનધાસ્ત દાણચોરી કરી રહ્યા છે.