સાવધાન / મેલવેયર અટેકથી ભારતમાં 1.5 કરોડ એન્ડ્રોઇડ ડિવાઇસ થયા પ્રભાવિત

એન્ડ્રોઇડ સ્માર્ટફોન હાલના દિવસોમાં મેલવેયરનો શિકાર થાય છે. એક વખત ફરીથી કેટલાક રિસર્ચર્સે એક નવો મેલવેયર શોધ્યો છે. આ મેલવેયર એન્ડ્રોઇડની એપ્સને પોતાના કોડથી રિપ્લેસ કરે છે. આવુ સમગ્ર રીતે થતું નથી, પરંતુ થોડાક સુધી રિપ્લેસ કરી શકાય છે. રિપોર્ટ અનુસાર આ Agent Smith નામના મેલવેયરથી દુનિયા ભરના 25 મિલિયન એન્ડ્રોઇડ સ્માર્ટફોન્સ પ્રભાવિત છે. 

ભારતમાં આ મેલવેયરથી સૌથી વધારે એન્ડ્રોઇડ ડિવાઇસ પ્રભાવિત છે. રિપોર્ટ કહી રહ્યો છે કે આશરે 1.5 કરોડ એન્ડ્રોઇડ ડિવાઇસ આ મેલવેયરથી પ્રભાવિત છે. સિક્યોરિટી ફર્મ  Check Point એ  Agent Smith મેલવેયર શોધ્યો છે. આ મેલવેયર એન્ડ્રોઇડ ઑપરેટિંગ સિસ્ટમની નબળાઇનો ફાયદો ઊઠાવીને સ્માર્ટફોનમાં હાલની એપ્સને ખતરનાક વર્ઝનની એપ્સથી રિપ્લેસ કરી દે છે. 

ડરવા જેવી વાત એ છે કે આ યૂઝરની પરમિશન વગર જ કરી લે છે. Check Point ના મોબાઇલ થ્રેડ ડિટેક્શન રિસર્ચ હેડ Jonathan Schimonovich એ કહ્યું છે, 'આ મેલવેયર ખાનગી રીતે યૂઝર્સ દ્વારા ઇન્સ્ટોલ કરવામાં આવેલી એપ્સને અટેક કરે છે અને આ સામાન્ય એન્ડ્રોઇડ યૂઝર્સ માટે શોધવું એક ચેલેન્જિંગ બને છે.'

આ Agent Smith મેલવેયર ડિવાઇસમાં બ્રોડ એક્સેસ લઇને યૂઝર્સને છેતરપિંડી વાળી જાહેરાત દેખાડે છે કારણ કે અટેકર્સને એનો ફાયદો થઇ શકે, જો કે આ મેલવેયર એનાથી મોટા હેતુ માટે ઉપયોગ કરવામાં આવે છે. રિપોર્ટ પ્રમાણે આ મેલવેયરથી બેંકિંગ ક્રેડેંશિયલ એટલે કે જાણકારીઓ ચોરી થઇ શકે છે.

Check Point સિક્યોરિટી ફર્મનું કહેવું છે કે Agent Smith મેલનેયરની પ્રાઇમરી વિક્ટિમ ભારતીય છે. જો કે બીજા દેશ જેમ કે પાકિસ્તાન અને બાંગ્લાદેશમાં પણ એનો પ્રભાવ છે. આ ઉપરાંત આ મેલવેયર અમેરિકા, ઓસ્ટ્રેલિયા અને બ્રિટેનના એન્ડ્રોઇડ ડિવાઇસને ટાર્ગેટ કરે છે. સિક્યોરિટી ફર્મ એ એવું સ્પષ્ટ કરી દીધું છે કે ગૂગલની સાથે કંપનીએ મળીને  કામ કર્યું છે અને હવે પ્લે સ્ટોર પર એવી કોઇ ખતરનાક એપ નથી. 

કારણ કે આ મેલવેયર થર્ડ પાર્ટી એપ સ્ટોરથી ફેલાયેલું છે એટલા માટે સાવધાની રાખો અને કોઇ પણ થર્ડ પાર્ટી એપ સ્ટોરથી એપ ડાઉનલોડ કરતાં બચો.