વેડિંગ સ્પેશ્યિલ / દિવસો ઓછા અને લગ્ન વધુઃ એજન્સીઓના ભાવ બમણા કર્યા

• 18 દિવસમાં 10 મૂહૂર્ત છે શ્રેષ્ઠ
• પરંપરાગત પ્રિન્ટ સાથે વાઈન કલર્સનો ટ્રેન્ડ
• મેરેજ એજન્સીઓના ભાવમાં થયો બમણો વધારો

18 દિવસમાં 10 મૂહૂર્ત છે શ્રેષ્ઠ

માત્ર ૧૮ દિવસના સમયગાળામાં જ ૧૦ મુહૂર્ત શ્રેષ્ઠ હોવાથી લગ્નની ધૂમ છવાયેલી છે. મેરેજ સિઝન જામતાં ફોટોગ્રાફર, ગોર મહારાજ, ફૂલવાળા, બેન્ડવાજાં, કેટરર્સ, ઢોલ-શરણાઇ, બ્યુટી ટ્રીટમેન્ટ, ટેલરિંગ તેમજ મંડપ ડેકોરેશન સહિતની ડિમાન્ડ વધતાં આ તમામ એજન્સીઓમાં ફૂલગુલાબી તેજી જોવા મળી રહી છે. લગ્નનાં મુહૂર્ત ૧૯, ર૦, ર૩, ર૮, ૩૦ નવેમ્બર અને ૧ ડિસેમ્બર રવિવાર-ર, ૩, પ, ૬, ૮ ડિસેમ્બર રવિવાર સુધી છે.

આ કલર્સ અને પ્રિન્ટ છે ટ્રેન્ડમાં

લગ્નમાં અત્યારે પરંપરાગત પ્રિન્ટ સાથે વાઈન કલર્સ અને રાજકોટી-હૈદરાબાદી પ્રિન્ટ ઈન ટ્રેન્ડ થઈ છે. હેન્ડ વર્ક ખાતે વર્ક અને ડોલા સિલ્કની આઉટફિટમાં બોલબાલા છે, જયારે હલ્દી મહેંદી, ગરબા અને અન્ય ફંક્શનમાં ફ્લોરલ પ્રિન્ટ એવરગ્રીન છે. હવે પહેલાંની જેમ બ્રાઈડ કે ગ્રૂમ હલ્દીમાં પીળા કે ગ્રીન કલર્સના બદલે અન્ય કલર્સ ટ્રાય  કરે છે. બ્રાઈડ-ગ્રૂમનાં આઉટફિટમાં હવે દુપટ્ટા પર વધુ ફોક્સ કરાય છે. હવે દુલ્હા હેવી વર્કવાળી શેરવાની પર દુપટ્ટો કે શાલ પહેરવાનું ખાસ પસંદ કરે છે.

એજન્સીઓ અને લેબરના ભાવમાં 50 ટકાનો વધારો

અત્યારે લેબરની પ૦ ટકા વધારે રકમ ચૂકવવી પડે છે.  શુભ પ્રસંગ હોય  એટલે વધારે ભાવ ચૂકવવા સિવાય કોઇ છૂટકો રહેતો નથી. દિવાળી પછી લગ્નની શરૂઆત થઈ છે. હવે આ માસમાં આજે-ર૩, ર૮ અને ૩૦મી તારીખે લગ્નનું છેલ્લું મુહૂર્ત છે.