VIDEO / ગુજરાતમાં એક જ દિવસમાં દુષ્કર્મની 3 ઘટનાથી ચકચાર, પ્રદીપસિંહ જાડેજા નું આવ્યું નિવેદન

• રાજ્યમાં મહિલા સુરક્ષા પર સવાલ
• રાજ્યમાં દુષ્કર્મની ઘટનાઓ આવી સામે
• કડક કાર્યવાહીની વાત કરી ચૂક્યા છે ગૃહમંત્રી

રાજ્યમાં એક જ દિવસમાં 3 દુષ્કર્મની ઘટના ઘટી છે. આ મામલે  મહિલા સુરક્ષા પર સવાલ ઉઠી રહ્યા છે. ગૃહમંત્રી પ્રદિપસિંહ જાડેજા દુષ્કર્મ આચરનાર નરાધમો સામે કડક કાર્યવાહી કરવાની વાત કરી ચૂક્યા છે. પ્રદીપસિંહ જાડેજા નરાધમો સામે કડક પગલાં લેવાની હિમાયત કરી ચૂક્યા છે. જો કે કડક કાયદાની હિમાયત બાદ પણ મહિલાઓ સુરક્ષિત નહીં હોવાની ચર્ચા ઉઠી રહી છે. 

જામનગરમાં ગેંગરેપની ઘટના

રાજ્યમાં દુષ્કર્મની મોટી 3 ઘટનાઓ સામે આવી છે. જામનગરમાં સગીરા પર સામૂહિક દુષ્કર્મ આચરવામાં આવ્યું છે. 4 નરાધમોએ દુષ્કર્મ આચર્યુ છે. ચારેય વ્યકિતઓએ સગીરાને ઘેનની ટીકડીઓ ખવડાવીને દુષ્કર્મ આચર્યુ છે. સગીરા હોસ્પિટલમાં સારવાર હેઠળ છે. આ કેસમાં પોલીસે 3 આરોપીઓની ધરપકડ કરી છે જ્યારે હજુ એક આરોપી ફરાર છે. 

છોટા ઉદેપુરમાં પણ દુષ્કર્મની ઘટના

છોટાઉદેપુરના બોડેલીમાં પણ યુવતી પર દુષ્કર્મની ઘટના સામે આવી છે. ગામના જ યુવકે યુવતી પર દુષ્કર્મ છે. બોડેલીમાં યુવતી પર દુષ્કર્મ આચરનાર આરોપી હજુ પણ ફરાર છે. 

મોરબીમાં દિવ્યાંગ મહિલા પર દુષ્કર્મ કરી વીડિયો વાયરલ કર્યો

મોરબીમાં દિવ્યાંગ મહિલા પર દુષ્કર્મની ઘટના સામે આવી છે. દુષ્કર્મ આચરીને નરાધમે વીડિયો પણ વાયરલ કર્યો છે. હળવદની મોરબી ચોકડી પાસે મહિલા પર નરાધમે દુષ્કર્મ આચર્યુ હતુ.