Adipurush new poster: રોશની ઝગમગાટ અને મંત્રોચ્ચાર સાથે રામ નવમીની સવારે બાહુબલી ફિલ્મના ફેમ એકટર પ્રભાષ એ આદિપુરુષ ફિલ્મનું નવું પોસ્ટર રિલીઝ કર્યું છે.
ફિલ્મ 'આદિપુરુષ' નું નવું પોસ્ટર રિલીઝ
સોશિયલ મીડિયા પર વાયરલ થયું ફિલ્મનું પોસ્ટર
રામ નવમીના અવસર પર પ્રમોશન શરૂ
Adipurush new poster: આજે ભગવાન શ્રી રામની જન્મજયંતિ એટલે કે રામ નવમીનો તહેવાર છે અને દેશભરમાં રામ જન્મજયંતિની ઉજવણી કરવામાં આવે છે. એવામાં આ તહેવાર પર ફિલ્મ ઇન્ડસ્ટ્રીમાં પણ એક નવું કિરણ દેખાઈ રહ્યું છે. રોશની ઝગમગાટ અને મંત્રોચ્ચાર સાથે રામ નવમીની સવારે બાહુબલી ફિલ્મના ફેમ એકટર પ્રભાષ એ આદિપુરુષ ફિલ્મનું નવું પોસ્ટર રિલીઝ કર્યું છે. આ પોસ્ટરમાં તમામ સ્ટાર્સ રામ દરબારના પોઝમાં જોવા મળી રહ્યા છે. પોસ્ટર બહાર આવતાની સાથે જ તે સોશિયલ મીડિયા પર વાયરલ થઈ ગયું છે.
સોશિયલ મીડિયા પર વાયરલ થયું ફિલ્મ 'આદિપુરુષ'નું પોસ્ટર
નોંધનીય છે કે આ પોસ્ટરમાં પ્રભાસ રામ અને કૃતિ સેનન સીતાના રૂપમાં જોવા મળ્યા છે. આ સાથે જ સન્ની સિંહ લક્ષ્મણ અને દેવદત્ત નાગે બજરંગબલીની ભૂમિકામાં છે. હનુમાનજી રામ, સીતા અને લક્ષ્મણની સામે નમસ્કાર કરતા જોવા મળે છે. સાથ જ આપણે બધા જાણીએ છીએ કે આ ફિલ્મ ભગવાન શ્રી રામના ગુણોને દર્શાવવા જઈ રહી છે. હાલ એવું લાગી રહ્યું છે કે આ પોસ્ટરમાં શ્રી રામના ભક્તો દ્વારા પૂજવામાં આવતા રામ દરબારને ખૂબ જ સારી રીતે દર્શાવવામાં આવ્યો છે.
રામ નવમીના અવસર પર પ્રમોશન શરૂ કર્યું
નોંધનીય છે કે રામનવમી ભગવાન શ્રી રામની જન્મજયંતિ અને સારા કામની શરૂઆત તરીકે ઉજવવામાં આવી રહી છે. ફિલ્મના પોસ્ટર સાથે નિર્માતાઓનું કહેવું છે કે આ ફિલ્મ અધર્મ પર ધર્મના વિજયની સ્થાપનાને દર્શાવે છે. સાથે જ જણાવી દઈએ કે ભારતીય મહાકાવ્ય રામાયણ પર આધારિત ફિલ્મ આદિપુરુષ 16 જૂન, 2023 ના રોજ IMAX અને 3D માં મોટા પડદા પર રિલીઝ કરવામાં આવશે.
આ બિગ બજેટ ફિલ્મમાં પ્રભાસ, કૃતિ સેનન, સૈફ અલી ખાન, સની સિંહ સહિત ઘણા કલાકારો સામેલ છે. સાથે જ ફિલ્મ આદિપુરુષનું દિગ્દર્શન ઓમ રાઉત દ્વારા કરવામાં આવ્યું છે.