jetpur lady constable Suicide : રાજકોટના જેતપુરમાં પોલીસ ક્વાર્ટરમાં મહિલા કોન્સ્ટેબલે આપઘાત કર્યાની ઘટના સામે આવી છે. દયાબેન શંભુભાઈ સરિયા નામના મહિલા કોન્સ્ટેબલે ગળેફાંસો ખાઈ જીવન ટૂંકાવ્યું છે. મૃતક જસદણના શિવરાજપુરના વતની હોવાની વિગતો છે.
મૃતક
બે વર્ષથી કોન્સ્ટેબલ તરીકે ફરજ બજાવતા હતાં
અત્રે જણાવી દઈએ કે, દયાબેન જેતપુર સીટી પોલીસ સ્ટેશનમાં છેલ્લા બે વર્ષથી કોન્સ્ટેબલ તરીકે ફરજ બજાવતા હતાં. જેમણે પોલીસ લાઈનમાં આવેલ ક્વાર્ટરમાં પોતાના રૂમમાં ગળેફાંસો ખાઈને આપઘાત કરી લેતા ચકચાર મચી જવા પામી છે. જે સમગ્ર ઘટનાને પગલે હજુ સુધી જાણવા મળ્યું નથી કે, ક્યા કારણોસર આ પગલુ ભર્યું છે. જો કે, આપઘાતની ઘટનાને લઈ પ્રોબેશનલ IPS કેશવાલા, Dysp સહિત પોલીસ કાફલો ઘટના સ્થળે પહોંચી તપાસ હાથ ધરી છે.
પોલીસ તપાસ હાથ ધરી
સૂત્રો પાપ્ત વિગતો મુજબ મૃતક મહિલા કોન્સ્ટેબલ અપરણિત હતા તેમજ મિલનસાર સ્વભાવ પણ હતો. જો કે, ક્યાં કારણોસર આ પગલુ ભર્યું તે જાણવા મળ્યું નથી. સુસ્યાઈડ નોટ પણ મળી આવી નથી. જો કે, પોલીસે વધુ તપાસ હાથ ધરી છે. પોલીસ લાઈનમાં મહિલા કોન્સ્ટેબલના આપઘાતની ઘટનાથી અરેરાટી મચી જવા પામી છે.
