ક્યારે અટકશે? / ગુજરાતમાં પણ બાળલગ્નનું દૂષણ, નાનીવયમાં સાત ફેરા લેતા સુરતના સગીરનો વીડિયો વાયરલ, જાણી લો શું કહે છે કાયદો

• બાળ લગ્નનો વીડિયો થયો સોશિયલ મીડિયામાં વાયરલ
• સુરતના એક વિસ્તારનો બાળ લગ્નનો વીડિયો વાયરલ
• બાળ લગ્નનો વીડિયો વાયરલ થતા લોકોમાં રોષ

સમાજમાં બાળ વિવાહના દૂષણનો વીડિયો સામે આવ્યો છે. જે બાળ લગ્નનો વીડિયો સોશિયલ મીડિયામાં વાયરલ થઈ રહ્યો છે. પાપ્ત માહિતી અનુસાર સુરતના એક વિસ્તારનો બાળ લગ્નનો વીડિયો છે. જે વીડિયો વાયરલ થતાં સમાજ ચિંતકોમાં રોષ જોવા મળી રહ્યો છે.

વીડિયો સુરતનો હોવાનું આવ્યું સામે
સુરતના એક વિસ્તારનો બાળ લગ્નનો વીડિયો સોશિયલ મીડિયામાં વાયરલ થઈ રહ્યો છે. જે વીડિયાથી લોકોમાં તેમજ સમાજ ચિંતકોમાં રોષ જોવા મળી રહ્યો છે તેમજ જે સમગ્ર વીડિયોને લઈ રાજકોટ સાયબર ક્રાઈમ બ્રાન્ચે તપાસ હાથ ધરી હતી અને જેમાં  જાણવા મળ્યું છે કે, વીડિયો સુરતનો છે.

અસમમાં શું કરાઈ કાર્યવાહી ?
બાળ વિવાહ પર અસમા પણ કાર્યવાહી કરવામાં આવી છે. CM હિમંત બિસ્વા સરમાના આદેશ બાદ કાર્યવાહી કરાઈ છે. 1800 જેટલા આરોપીઓની ધરપકડ પણ કરવામાં આવી છે. અસમમાં 4 હજાર જેટલા બાળ વિવાહના કેસ નોંધાયા હોવાથી કાર્યવાહી કરાઈ છે. આરોપીઓ વિરૂદ્ધ POCSO એક્ટ હેઠળ કાર્યવાહી હાથ ધરવામા આવી છે. CM હિમંત બિસ્વા સરમાએ ગતરોજ કાર્યવાહીના આદેશ આપ્યા હતા.
 
બાળલગ્ન અટકાવવા આપણી ફરજ

• દરેક બાળકને શિક્ષણ આપો
• કોઇપણ બાળલગ્નમાં હાજરી ન આપવી
• બાળલગ્ન થતાં હોવાની જાણ થાય તો તેની તંત્રને જાણ કરો
• પોલીસ,પંચાયત સભ્ય,બાળલગ્ન પ્રતિબંધક અધિકારીને જાણ કરો
• જિલ્લા ન્યાયાધીશને પણ જાણ કરી શકો છો 
• બાળસુરક્ષા સમિતિ જેવી સંસ્થાને પણ જાણ કરી શકાય

બાળલગ્ન બાળઅધિકારનું ઉલ્લંઘન
છોકરીની ઉંમર 18 વર્ષથી નાની હોય તો તેમજ છોકરાની ઉંમર 21 વર્ષથી નાની હોય તો ગેરકાનૂની છે.  બાળલગ્ન પ્રતિબંધક અધિનિયમ (2006) મુજબ ગેરકાનૂની છે. બાળલગ્ન બાળકને તેના મૂળભૂત અધિકારો છીનવે તેમજ શિક્ષણ,આરોગ્ય,પોષણથી વંચિત રાખે છે. હિંસા,સતામણી તેમજ શોષણ સામે રક્ષણ મેળવવાથી વંચિત રહે છે. 1992માં બાળકોના અધિકાર અંગેના સમજૂતિ પત્ર પ્રમાણે બાળકને રક્ષણ મેળવવાનો અધિકાર છે. બાળલગ્ન,હિંસા,સતામણી અને શોષણ સામે રક્ષણ મેળવવાનો અધિકાર છે.

બાળલગ્નના પરિણામ
છોકરા કરતા છોકરીના જીવન પર દુષ્પરિણામોની વધુ અસર થાય છે તેમજ છોકરીના જીવન લગ્ન પર ગંભીર અસર થાય છે. બાળલગ્ન કરવામાં આવતી છોકરીઓ શાળા છોડી દે અને ઓછા વેતનવાળું કામ કરે અને તે ભેદભાવનો પણ સામનો કરે છે. ઘરની બાબતોમાં નિર્ણયશક્તિ મર્યાદિત કરી દેવામાં આવે છે. કિશોરાવસ્થામાં સગર્ભા બને છે, બાળકમાં કુપોષણનો ભય રહે છે. હિંસા,સતામણીનો પણ સામનો કરે છે. પતિ કે ઘરની અન્ય મોટી ઉંમરની મહિલાઓ સાથે વાત કહેવાની હિંમત હોતી નથી.

સમાજમાં બાળ વિવાહનું દૂષણ ક્યારે અટકશે ?

• નાની ઉંમરમાં બાળ વિવાહ કરવાથી બાળકના વિકાસ પર અસર ન થાય ?
• શું આ બાળ લગ્નો કરાવનારા હજુ પણ મધ્યકાલિન યુગમાં જીવે છે ?
• બાળ વિવાહથી બાળકોના માનસિક,શારિરીક વિકાસ ન રૂંધાય ?
• બાળ વિવાહમાં હાજર રહેનારા લોકો પણ ફરિયાદ કેમ નથી કરતા ?
• બાળ વિવાહનો કાયદો હોવા છતા આવા કિસ્સા કેમ સામે આવતા રહે છે ?