પ્રધાનમંત્રી નરેન્દ્ર મોદીનું સ્વચ્છ ભારતનો સંદેશ વિશ્વભરમાં જાણીતો બન્યો છે. મોટા-મોટા નેતાથી લઇને નાના બાળકો પણ પ્રધાનમંત્રીના આ કાર્યને બિરદાવી રહ્યા છે તથા પોતે પણ આ અભિયાનમાં પોતાનો નોંધનીય ફાળો આપી રહ્યા છે.
ત્યારે આજરોજ ભારત સરકારના મંત્રી સ્મૃતિ ઇરાનીએ પોતાના ટ્વીટર એકાઉન્ટર પર શેર કર્યો છે. જેમાં એક ગુજરાતી બાળા 'મોદી દાદા'ને પોતાની કાલીઘેલી ભાષામાં સ્વચ્છ ભારત અભિયાન માટે અભિનંદન આપી રહી છે.
આ બાળકીએ કાલીઘેલી ભાષામાં પ્રધાનમંત્રી દ્વારા લાવવામાં આવેલ નિયમથી પોતે ખુશ હોવાની વાત કરી હતી. આ સાથે જ તેણી એ જણાવ્યું કે, મોદી દાદા મને ગમે છે અને તેમણે ઘણા સારા નિયમો બનાવ્યા છે. તેઓ દરેકને ઘર સાફ રાખવા અને કચરો ડસ્ટબિનમાં ફેંકવાનો સંદેશ આપે છે. લોકોએ આ વીડિયોને ખુબ વખાણ્યો હતો.