ચંદીગઢમાં 70 હજારની સ્કૂટી માટે VIP નંબર 0001 માટે 15 લાખ 44 હજારની બોલી લગાવવામાં આવી. જાણો વિગતવાર
70 હજારની સ્કૂટી માટે 15 લાખ 44 હજારનો નંબર ખરીદ્યો
બાળકોની જીદ પૂરી કરવા માટે ખરીદ્યો નંબર
ચંદીગઢની ઘટના
70 હજારની સ્કૂટી માટે 15 લાખ 44 હજારનો નંબર ખરીદ્યો
કાર માટે VIP નંબરની માંગણી આજકાલ ચર્ચાનો વિષય બની છે. લોકો મનપસંદ નંબર માટે લાખો આપવા પણ તૈયાર થઇ જાય છે. આ નંબર સ્ટેટસ અને રોયલિટીનો સોમ્બોલ બની ચુક્યા છે. ચંદીગઢમાં VIP નંબર 0001 માટે 15 લાખ 44 હજારની બોલી લગાવવામાં આવી. ચંદીગઢનાં રહેવાસી બૃજ મોહને પોતાની 70 હજારની સ્કૂટી માટે આ VIP નંબર ખરીદ્યો છે. બૃજ મોહનનું કહેવું છે કે તેમણે પોતાના સંતાનનાં કહેવા પર આ નંબર લીધો છે.
ચંદીગઢની ઘટના
જણાવી દઈએ કે ચંદીગઢમાં નવી સીરીઝ CH - 01 CJ 0001ની બોલી લગાવવામાં આવી હતી. ચંદીગઢનાં બૃજ મોહને 15 લાખ 44 હાજરમાં એકટીવા સ્કૂટી માટે આ VIP નંબર લીધો છે. બૃજ મોહને કહ્યું કે શોખની કોઈ કિંમત હોતી નથી. જ્યારે મેં પહેલી વાર નંબર અપ્લાય કર્યો તો મને લાગી રહ્યું હતું કે VIP નંબર હોવો જોઈએ. તેમને શોખ હતો કે તેમની પાસે ચંદીગઢનો 0001 નંબર હોય.
પોતાનો અને બાળકોનો શોખ પૂરો કરવા માટે તેમણે આ નંબર લીધો છે. તેમણે કહ્યું કે આ પહેલા પણ તેમણે બાળકોનાં કહેવા પર મોબાઈલનો VIP નંબર લીધો હતો. બૃજ મોહને હાલમાં તો આ નંબર પોતાની એકટીવા સ્કૂટી પર લગાવશે અને આગળ તેઓ એક ગાડી ખરીદવાનો પ્લાન કરી રહ્યા છે. જયારે તેઓ ગાડી ખરીદશે, તો આ નંબરને તેમાં ટ્રાન્સફર કરી દેશે.
બાળકોએ કરી જીદ
બૃજ મોહનનાં બાળકો ઈચ્છતા હતા કે તેમની પાસે એક VIP નંબર હોય. બાળકોનો શોખ પૂરો કરવા માટે તેમણે VIP નંબર ખરીદવાનું વિચાર્યું. તેમણે પહેલાથી જ વિચારી રાખ્યું હતું કે તેઓ 0001 નંબર જ લેશે. બોલી લાગી ત્યારે તેમણે આ નંબર 15 લાખ 44 હજાર રૂપિયામાં ખરીદ્યો. બૃજ મોહને કહ્યું કે તેઓ ઘણા ખુશ છે કે આ નંબર હવે તેમની પાસે છે.