ઝારખંડનાં ગોડ્ડા જીલ્લામાં ગામવાસીઓએ પ્રેમ પંખીડાઓને જંગલમાં મળતા જોઈ લીધા હતા અને ત્યાર બાદ તેમના લગ્ન કરાવવામાં આવ્યા. ગોડ્ડાનાં રામગઢ રોડ સ્થિત બાયોડાયવર્સિટી પાર્ક નજીક રવિવારે રાત્રે જંગલમાં ગામવાસીઓએ પ્રેમી યુગલને પકડીને મોડી રાત્રે તેમના લગ્ન કરાવ્યા. જાણકારી અનુસાર, યુવતી માલટોલા પથરાની છે જ્યારે યુવક ગાઈછાંદનો છે. પ્રેમી કપલને પહેલા ગ્રામીણોએ પકડી પાસેનાં ગામ મુર્લીડીહ લઈને પહોંચ્યા જ્યાં સૌએ તેમના પરાણે લગ્ન કરાવ્યા.
જણાવવામાં આવી રહ્યું છે કે ગામના જ લોકોએ પાદરી બનીને કાળી મંદિરમાં બંનેનાં લગ્ન કરાવ્યા. ગ્રામીણોએ ખુદનાં પૈસાથી વરમાળા અને સિંદૂર લાવી યુવકનાં હાથમાં આપ્યું અને યુવતીનો સેથો પૂરાવી દીધો. જ્યારે પૂછતાછમાં યુવક જણાવે છે કે તે ગોડ્ડામાં 12માં ધોરણમાં બને છે અને તેની ઉંમર 18 વર્ષ છે. જ્યારે યુવતી જણાવે છે કે તે ANM નર્સિંગ કરી રહી છે અને તેની ઉંમર 21 વર્ષ છે.
4 મહિના પહેલા શરુ થયો હતો પ્રેમ
પ્રેમ પંખીડાઓ અનુસાર, બંને વચ્ચે ચાર મહિના પહેલા પ્રેમની શરૂઆત થઇ હતી. યુવક જણાવે છે કે તેના લગ્નની ઉંમર થઇ નથી, પરંતુ પરાણે બંનેનાં લગ્ન કરાવી દેવામાં આવ્યા. તે ગ્રામીણોની ભીડ વચ્ચે લગ્ન માટે ના ન કહી શક્યો. જોકે તેણે ગ્રામીણોને કહ્યું કે અત્યારે તે યુવતીને પોતાના ગામ તો નહી લઇ જઈ શકે. પરંતુ તે યુવતીને ગોડ્ડામાં એક રૂમ લઈને રાખશે.
કપલને પોલીસ ચોકી લઇ જવામાં આવ્યા
લગ્ન બાદ સ્થળ પર જાણકારી મળતા પોલીસ પણ પહોંચી ગઈ અને કપલને નગર પોલીસ ચોકી લઇ ગઈ. મુર્લીડીહમાં આવું ઘણી વાર જોવામાં આવે છે કે ગ્રામીણ કોઈપણ કપલનાં લગ્ન કરાવી દે છે. આ આખા મામલા પર પોલીસનું કહેવું છે કે કોઈપણનાં આ પ્રકારે લગ્ન કરાવી દેવા કાનૂનની વિરુદ્ધ છે. પોલીસ આ મામલાની તપાસ કરશે અને ત્યાર બાદ ગુનેગારો પર કાર્યવાહી પણ કરવામાં આવશે.