સુરતની સ્મિમેર હોસ્પિટલમાં જ દારૂની મહેફિલનો એક વીડિયો સોશિયલ મીડિયામાં વાયરલ થતા હડકંપ, સફાઈકર્મીનો ચુસ્કી મારતો વીડિયો સામે આવતા હોસ્પિટલે તપાસ શરુ કરી છે.
હોસ્પિટલમાં દારૂની મહેફિલ
સફાઇકર્મીના દારૂની મહેફિલનો વીડિયો વાયરલ
સ્મિમેર હોસ્પિટલ તંત્ર દ્વારા તપાસ શરૂ કરાઇ
ડોક્ટરને જ્યાં ભગવાન સ્વરૂપ અને હોસ્પિટલને મંદિર સમાન ગણવામાં આવે છે, ત્યાં મંદિર સમાન હોસ્પિટલમાં જ દારૂની મહેફિલનો એક વીડિયો સોશિયલ મીડિયામાં વાયરલ થતા હડકંપ મચી ગયો છે. સુરતની સ્મિમેર હોસ્પિટલમાં સફાઈ કર્મીઓ દ્વારા દારૂની મહેફિલનો વીડિયો વાયરલ થયો છે ત્યારે હોસ્પિટલની કામગીરી સામે અનેક સવાલો ઉઠી રહ્યા છે. સુરતની સ્મીમેર હોસ્પિટલના ઓર્થોપેડિક વોર્ડમાં હોસ્પિટલના સફાઈ કર્મચારીઓ દ્વારા દારૂની મહેફિલ માણવામાં આવી રહી છે જેના દ્રશ્યો કેમેરામાં કેદ થયા છે. હોસ્પિટલમાં બિન્દાસ્ત બની દારૂની મોજ કરતા આ યુવકો ખુલ્લેઆમ દારુ પીતા નજરે પડી રહ્યા છે, જેમાંથી એક વોર્ડ બોય ઓર્થોપેડિક વિભાગમાં તેમજ અન્ય વોર્ડબોય આંખ વિભાગમાં ફરજ બજાવતા હોવાનું જાણાઈ રહ્યું છે.
સફાઇકર્મીના દારૂની મહેફિલનો વીડિયો વાયરલ
વીડિયોમાં જોઈ શકાય છે કે બંને કર્મચારી દારૂનો ગ્લાસ ભરીને વોર્ડમાં જ મહેફિલ માણતા જોવા મળી રહ્યા છે જ્યારે અન્ય કર્મચારીએ આ વીડિયો બનાવ્યો હોવાનું મનાઈ રહ્યું છે, જો કે દારૂની મહેફિલનો આ વીડિયો સોશિયલ મીડિયામાં વાયરલ થતા હોસ્પિટલની કામગીરી સામે અનેક સવાલ ઉઠી રહ્યા છે. સવાલ એ છે કે હોસ્પિટલમાં દર્દીઓ સારવાર લેવા આવતા હોય છે, હોસ્પિટલમાં સ્વચ્છતા, ચોક્કસાઈ, અને સાવધાની પણ રાખવાની હોય છે, કેટલાક વાર હોસ્પિટલમાં બેદરકારીના કિસ્સા પણ સામે આવતા હોય છે, હોસ્પિટલ બાળક ચોરી, હોસ્પિટલમાં આગ લાગવાના કિસ્સા પણ બનતા હોય છે, ત્યારે જો કર્મચારીઓ આવી રીતે બેફામ બનીને દારૂની મહેફિલ માણતા હોય ત્યારે હોસ્પિટલની તેમજ હોસ્પિટલના સંચાલકોની કામગીરી સામે અનેક સવાલો ઉઠી રહ્યા છે.
સ્મિમેર હોસ્પિટલ તંત્ર દ્વારા તપાસ શરૂ કરાઇ
વીડિયોમાં દેખાતા કમલેશ અને ગોવિંદ નામના આ બંને સફાઈ કર્મચારી મસ્કૃતિ હોસ્પિટલમાંથી લોન પર સ્મીમેર હોસ્પિટલમાં મંગાવાયા છે. છેલ્લા બે ત્રણ માસથી તેઓ સ્મીમેરમાં ફરજ બજાવી રહ્યા છે. દરમિયાન છેલ્લા પાંચ સાત દિવસથી આ બંને કર્મચારીનો વાઈરલ થયેલો વીડિયો સ્મીમેરના કર્મચારીઓમાં ચર્ચાનો વિષય બન્યો છે. વીડિયોમાં ચુસ્કી અને ચાખનું જેવા શબ્દો સંભળાય છે. જેથી આ વીડિયો દારૂની મહેફિલનો હોવાની ફરિયાદ સાથે સ્મીમેરના તબીબી અધિકારીઓના કાને વાત પહોંચતા તપાસ શરૂ કરાઈ છે. જો કે સમગ્ર વીડિયો વાયલ થતા કર્મચારીઓની પૂછપરછ કરાતા બંને એપી પીતા હોવાનું જણાવ્યું છે, સુરતની સ્મિમેર હોસ્પિટલમાં દારૂની મહેફિલનો વીડિયો વાયરલ થયો છે. જેને લઈને દારૂની મહેફિલ માણી રહેલા સફાઇ કર્મીઓના દારૂનો વીડિયો વાયરલ થતા સ્મિમેર હોસ્પિટલ તંત્ર દ્વારા તપાસ શરૂ કરાઇ છે.