વિશ્વમાં આપણે કેટલાક રહસ્યમયો ગામો વિશે સાંભળ્યું હશે. આજે અમે તમને એક એવા જ ગામ વિશે જણાવવા જઇ રહ્યા છીએ જ્યાં પ્રાણીઓથી લઇને માણસો સુધી સૌ કોઇ આંધળા છે. તમને પણ આ બાબત જાણીને નવાઇ લાગશે.
મેક્સિકોના પ્રશાંત મહાસાગરીય વિસ્તારમાં 'ટિલ્ટેપેક' નામનું ગામ છે. આ ગામમાં આશરે 60 પથ્થરના ઘરો છે જેમાં આશરે 300 રેડ ઇન્ડિયન્સ રહે છે. પરંતુ આ ગામની વિચિત્ર બાબત એ છે કે અહીં બધા અંધ છે. અહીં ફક્ત લોકો જ નહીં પરંતુ કૂતરાં અને અન્ય પાલતુ પ્રાણી પણ પ્રજ્ઞાચક્ષુ છે.
અહીંના કોઈપણ ઘરોમાં વીજળી અથવા દીવો નથી. તેમને દિવસ અને રાતથી કોઈ ખાસ ફરક પડતો નથી. પક્ષીઓના અવાજ સૂચવે છે કે દિવસ થઈ ગયો છે, તેથી લોકો કામ પર જાય છે. સાંજે જ્યારે પક્ષીઓનો અવાજ આવતો બંધ થાય, ત્યારે લોકો તેમના ઘર તરફ આવી જાય છે. આ લોકો ગાઢ જંગલો વચ્ચે રહે છે અને સંસ્કૃતિ અને વિકાસથી ખુબ દૂર છે.
આ ગામ ગાઢ જંગલો વચ્ચે છે અને અહીં રહેતા લોકો વિકસિત સમાજથી ઘણા દૂર છે. જ્યારે સરકારને આ લોકોના આ રોગ વિશે જાણ થઇ, ત્યારે તેઓએ તેમનો ઉપચાર કરવાનો પ્રયાસ કર્યો, પરંતુ તે નિષ્ફળ ગયો. સરકારે આ લોકોને અન્ય સ્થળોએ વસાવાનો પ્રયત્ન કર્યો હતો પરંતુ તેમનું શરીર અન્ય આબોહવાઓમાં તંદુરસ્ત રહી શકે તે શક્ય ન દેખાયુ અને તેમને તેમના હાલ પર જ છોડી દેવા પડ્યા.
અહીંના લોકો પથ્થરોથી બનેલી ગુફાઓ જેવા ઘરમાં રહે છે અને પથ્થરો પર ઊંઘે છે. ઘરમાં નાના દરવાજા સિવાય કોઈ પ્રકાશિત બારીઓ નથી. અહીં જન્મેલા બાળકો સામાન્ય બાળકોની જેમ સામાન્ય હોય છે, પરંતુ થોડા અઠવાડિયા પછી, તેઓ પણ આંધળા બની જાય છે.