છત્તીસગઢઃ સુકમામાં અથડામણ દરમ્યાન 8 નક્સલીઓ ઠાર બે જવાન શહીદ

છત્તીસગઢનાં સુકમા જિલ્લામાં આજે સવારનાં પોલિસ અને  નક્સલીઓની વચ્ચે થયેલી અથડામણમાં આઠ વર્દીધારી નક્સલીઓ ઠાર કરી દેવાયાં. જ્યારે બે જવાનો શહીદ થઇ ગયા છે. ઠાર કરાયેલા  નક્સલીઓની ઓળખ કરવામાં આવી રહી છે. પોલીસે મોકાનાં સમયે જ ગોળા બારૂદ સહિત દૈનિક ઉપયોગમાં આવતી તમામ સામગ્રીઓને જપ્ત કરી લીધી છે.

પોલીસ સુત્રોનાં જણાવ્યાં અનુસાર ક્રિસ્ટારમ પોલીસ સ્ટેશનથી સંયુક્ત પોલીસ બળ સર્ચિંગને માટે રવાના થયા હતાં. ગ્રામ સાકલેરથી નજીક જંગલમાં ઘાત લગાવીને બેઠેલા નક્સલીઓએ પોલીસ પર ફાયરિંગ શરૂ કરી દીધું. જવાબી કાર્યવાહીમાં પોલીસે પણ તુરંત પરિસ્થિતિને સંભાળી લેતા ગોળીબારી શરૂ કરી દીધી.

લગભગ એક કલાકની અથડામણ બાદ અંતતઃ નક્સલીઓ ઘટાદાર જંગલ અને પહાડી વિસ્તાર તરફ ભાગી નીકળ્યાં. બાદમાં આઠ વર્દીધારી નક્સલીઓનાં શવ જપ્ત કરવામાં આવેલ છે. અથડામણમાં બે જવાનો પણ શહીદ થયાં છે. બીજી બાજુ ચિતાગુફા થાના વિસ્તાર ક્ષેત્રનાં ગ્રામ એલમાગુડાની  નજીક થયેલી બીજી અથડામણમાં પોલીસે એક ઘાયલ નક્સલીની પણ ધરપકડ કરી લીધી છે.