કેન્દ્ર સરકારે નોકરી કરતાં ઊંચી ડિગ્રી પ્રાપ્ત કરનાર પોતાના કર્મચારીઓને આપવામાં આવતું ઇન્સેટિવ પ્રોત્સાહનમાં 5 ગણા વધારાની મંજૂરી આપી છે.
7th Pay Commission: કેન્દ્ર સરકારે નોકરી કરતાં ઊંચી ડિગ્રી પ્રાપ્ત કરનાર પોતાના કર્મચારીઓને આપવામાં આવતું ઇન્સેટિવ પ્રોત્સાહનમાં 5 ગણા વધારા પર તાજેતરમાં નિર્ણય થઇ ગયો છે. હવે phd જેવી ઊંચી ડિગ્રી પ્રાપ્ત કરનાર લોકો માટે પ્રોત્સાહનની રકમ 10,000 રૂપિયાથી વધારીને વધારેમાં વધારે 30,000 કરી દેવામાં આવી છે. કર્મચારી મંત્રાલયે કામ કરતાં લોકો માટે આ પ્રકારની પ્રોત્સાહન રકમ વધારવાની સાથે 20 વર્ષ જૂના નિયમમાં સંશોધન કર્યું છે. અત્યાર સુધી નોકરીમાં આવ્યા બાદ ઉચ્ચ ડિગ્રી પ્રાપ્ત કરનાર સરકારી કર્મચારીઓને ઇન્સેટિવ 2000 રૂપિયાથી 10,000 રૂપિયાની વચ્ચે પ્રોત્સાહન રકમ આપવામાં આવતી હતી. હવે ન્યૂનતમ પ્રોત્સાહન રકમને 2 હજારથી 5 ગણી વધારીને 10 હજાર રૂપિયા કરી દેવામાં આવી છે. તમને જણાવી દઇએ કે ઘણા મીડિયા રિપોર્ટ્સમાં આ નિયમને 23 મે થી લાગૂ થાય એવા સમાચાર મળી રહ્યા છે. જો કે હજુ સુધી અમારી પાસે કોઇ સત્તાવાર સૂચના નથી.
કર્મચારી મંત્રાલય દ્વારા હાલમાં જારી આદેશ પ્રમાણે, હવે આ રકમને વધારીને ન્યૂનતમ 10,000 રૂપિયા અને વધારે 30,000 રૂપિયા કરવાનો નિર્ણય કર્યો છે.
આદેશમાં કહેવામાં આવ્યું છે કે ત્રણ વર્ષ અથવા એનાથી ઓછી ડિગ્રી/ડિપ્લોમાં પ્રાપ્ત કરવા પર 10,000 રૂપિયા આપવામાં આવશે. જ્યારે ત્રણ વર્ષથી વધારેની ડિગ્રી માટે 15000 આપવામાં આવશે.
આ પ્રકારે એક વર્ષ અથવા ઓછી સ્નાતકોત્તર ડિગ્રી/ડિપ્લોમાં પ્રાપ્ત કરવા પર 20,000 રૂપિયા અને એક વર્ષથી વધારેની સ્નાતકોત્તર ડિગ્રી/ડિપ્લોમાં લેનાર કર્મચારીઓને 25000 રૂપિયા મળશે.
પીએચડી અથવા એના સમકક્ષ યોગ્યતા પ્રાપ્ત કરનાર લોકોને 30,000 રૂપિયા આપવામાં આવશે. તમને જણાવી દઇએ કે આ નિર્ણય સરકારે ગત નાણાકીય વર્ષના છેલ્લા મહિના માર્ચમાં લીધો હતો.
કેન્દ્ર સરકારની ઓફિસમાં આશરે 48.41 લાખ કર્મચારી છે. આદેશમાં સ્પષ્ટ કર્યું છે શુદ્ધ એકેડમી શિક્ષા અથવા સાહિત્યિક વિષયો પર ઉચ્ચ યોગ્યતા પ્રાપ્ત પર કોઇ પ્રોત્સાહન આપવામાં આવશે નહીં.
મંત્રાલયે કહ્યું કે પ્રાપ્ત કરેલી યોગ્યતા કર્મચારીના પદથી જોડાયેલી હોવી જોઇએ અથવા બીજા પદ પર કામ આવનાર કાર્યોથી જોડાયેલી હોવી જોઇએ.
એમાં કહેવામાં આવ્યું છે કે પ્રાપ્ત કરેલી યોગ્યતા અને પદના કાર્યની વચ્ચે સીધો સંબંધ હોવો જોઇએ અને એનો સરકારી કર્મચારીની દક્ષતામાં યોગદાન હોવું જોઇએ.