નરસંહાર / BIG BREAKING : કાબુલ એરપૉર્ટમાં ભીડ પર અંધાધૂંધ ગોળીબાર, 40થી વધુ લોકોના મોત

• કાબુલ એરપોર્ટ પર ભારે હિંસા 
• તાલિબાને કરેલી ગોળીબારીમાં 40ના મોત
• એરપોર્ટ પર લોકોના જીવ જોખમમાં 

અફઘાનિસ્તાન પર કબ્જો મેળવ્યા બાદ તાલિબાને હવે અત્યાચાર આપવાના શરૂ કરી દીધા છે. લોકો હવે કોઈ પણ ભોગે દેશ છોડીને જવા માગે છે. ત્યારે ગત મોડી રાતે કાબુલ એરપોર્ટ પર અફરા-તફરી મચી ગઈ હતી અને અચાનક ગોળીબારી થઈ હતી. જેનો વીડિયો પણ સોશિયલ મીડિયામાં વાયરલ થયો છે. 

40 લોકોના મોત 

સોમવારથી અત્યાર સુધીમાં એરપોર્ટ પર ફાયરિંગ અને અફરાતફરીના બનાવોમાં અત્યાર સુધીમાં કુલ 40 લોકોના મોત થઈ ચુક્યા છે. ગત રાતે જે ફાયરિંગનો બનાવ બન્યો હતો તેમા મહિલાઓ અને બાળકો ઉપર પણ ફાયરિંગ થયું હોવાની માહિતી સામે આવી છે. ફાયરિંગ પછી મહિલાઓની ચીસોનો અવાજ કાબુલ એરપોર્ટની બહાર સુધી ગૂંજી રહ્યો હતો. 

UAEથી સંબોધન 

વીડિયોમાં ફાયરિંગ પછી એરપોર્ટ પર ઘૂળ ઉડતી દેખાઈ રહી છે. હજારો લોકો એરપોર્ટ પર તેમના વતન પરત જવા માટેલ બેઠા છે. જેમા અફઘાનિ નાગરીકો પણ કોઈ પણ ભોગે દેશ છોડી દેવા માગે છે. બીજી તરફ અફઘાનિસ્તાનના રાષ્ટ્રપતિએ UAEથી સંબોધન આપતા કહ્યું કે તેઓ હિંસા નહોતા ઈચ્છતા જેથી તેઓ ત્યાતી ચાલ્યા હતા. 

ફેસબુક પેજ પર વીડિયો લાઈવ 

સાથેજ અફઘાનિસ્તાનના રાષ્ટ્રપતિ મોટા પ્રમાણમાં રૂપિયા લઈને દેશ છોડી ભાગી ગયા છે. આ આરોપો પણ તેમણે નકાર્યા છે. બુધવારે તેમણે ફેસબુક પેજ પર એક વીડિયો લાઈવ કર્યો ત્યારે લોકોને ખબર પડી કે તેઓ UEA છે. 

તમામા આરોપો નકાર્યા 

ઉલેખનીય છે કે અફઘાનના રાષ્ટ્રતિ અશરફ ગનીએ એવું કહ્યું છે કે તેમના પર જે પણ આરોપો લાગેલા છે તે બધા ખોટા છે. તેમના પર આરોપ લાગ્યા છે કે તેઓ મોટી માત્રામાં રૂપિયા લઈને દેશ છોડીને ભાગ્યા છે. આ મામલે અફઘાન રાષ્ટ્પતિએ એવું કહ્યું કે તેઓ એક જોડી કપડા અને માત્ર સેન્ડલ લઈને દેશ છોડીને નિકળ્યા હતા.